Love story

Dear Banat News,

Hello sa tanang readers sa Banat News tawga lang ko sa pangalan nga Johnny, 27 years old ug nagtrabaho sa usa ka restaurant diha sa Ayala.

Nakapadala na gyud ko sa akong love story dinhi sa Banat News Hugyaw, dugay na gyud ko nagplano niini.

Matawag nga blooming ko karong panahona gumikan kay in love kaayo. Nagkabalik diay mi sa akong ex-girlfriend nga si Mylen, 27, taga Cebu City pud ug nag-work siya  isip call center agent.

Nagkaila mi ni Mylen kay kauban man mi sa trabaho sa una sa lain nga restaurant. Nagka-uyab mi niadtong February 15, 2018, apan nagkabuwag mi pag-abot sa July  2018  kay dili gyud magkasinabot tungod sa among ka-busy.

Apan pag-December niadtong 2019 nahibalik na pud ang among love story. Ambot lang uy gimingaw bitaw ko niya.  Bisan pa man sa iyang gisulti sa una nga dili nami mahimong magbalik wala  gyud ko nahadlok nga modiskarte niya og balik.  Ako siya perming sugaton sa iyang work, pag-una kay masuko siya, iyaha kong yawyawan kay dili na daw kinahanglan nga mosugat pa ko niya kay hagbay ra nahuman ang among relasyon. Wala gyud ko mo-surrender hangtod nga nakuha gyud nako og balik ang iyang atensyon.

Nisugot na siya nga mag-date mi ug didto ako siya gisultihan nga nabalik akong feelings kaniya.

Lisod gyud ilisan si Mylen, kay dili ko makalimot sa iyang pagka-caring, buotan, masinabtanon ug sweet pa gyud kaayo. Nakita  ni Mylen  nga sensiro kaayo ko sa pagpanguyab niya og balik  busa na-develop ra pud siya og balik nako.

Happy kaayo ug wala ko magdahom kay maangkon nako og balik ang iyang kasingkasing. Daghan daw ang nanguyab niya sa dihang nagkabuwag mi kaniadto apan wala niya sugta  kay dili pa siya andam mosulod og balik sa usa ka relasyon, pero sa dihang niabot ko og balik nausab ang iyang hunahuna.

Happy kaayo mi sa among relasyon sama sa uban dunay ginagmay nga away pero masulbad ra pud dayon. Among gipaniguro nga dili maapektohan ang among relasyon sa among ka-busy. Mo-request lang ko sa chords and lyrics sa I Miss You So Much by Kyla. Mao ni ang permi nako paminawon kadto gimingaw ko niya  ug wala pami nagbalik.

Hi Johnny! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story

C/o Banat News