Love Story

Dear Banat News,

Hello sa  tanang readers sa  Banat News ako diay si Viahna, 27 years old  ug nagtrabaho isip usa ka teacher sa public school.

Ako lang i-share ang love story namo sa akong bana nga si Jess nga waiter sa usa ka catering services. 

Nagkaila mi ni Jess tungod sa unang eskwelahan kun diin ko nadestino. nahimutang sa sa bukid ang akong first assignment ug habal-habal ra gyud ang sakyanan nga puwedeng makalahos didto.

Naa koy nasuki nga driver sa motor, siya si Jess  nga mao gyud ang akong nabana karon.

Si Jess  man gud   mo-sideline na siya sa una og drive og motor aron makapuno-puno sa iyang panginabuhian gawas sa iyang pagka-waiter.

Taod-taod na gyud ko nga nakabantay sauna nga sa  higayon nga magpahatod ko sa eskwelahan, grabe kaayo siya mo-smile, dili ko mahimutang , dili ko komportable gud basta naay motutok nako.

Pipila ka buwan, nagkasuod na man hinuon mi og maayo  dili na man hinuon ko paplitihon niya.

Basta dunay  mga okasyon sa  sa ila sama sa fiesta, birthday ug uban pa , permi na man ko niya imbitaron hangtod nga nasuod na pud nako ang iyang pamilya.

Sa kadugay namo og sige og uban,  nailhan  na nako og maayo ang pagkatawo ni Jess , grabe niya ka pinangga ang iyang pamilya. Usa siya ka matinahuron nga anak.

Nag-observe ra gyud ko sa lihok ni Jess , kahibalo gyud ko nga naa siyay gusto nako pero gusto lang gyud niya nga makaila ko niya og maayo sa dili pa siya modiskarte nako.

Naabot gyud ang panahon nga nanguyab na siya nako  ako dayon siya nga gisugot   kay   lawom na gyud ang panag-ilhanay namo sa usa’g-usa.

Para nako nako, dili nako  ikaulaw ang iyang pagka-driver sa habal –habal. ug waiter  Grabe siya kabuotan hinungdan nga dali ra gyud ko na-develop kaniya. Pag-abot og lima ka tuig isip manag-uyab, nakadesisyon dayon mi nga magminyo.

Duha na diay ang among anak karon  ug happy kaayo ang among family.  Sama sa ubang magtiayon nag-agi pud mi og ginagmay nga away pero masulbad ra pud dayon.  

Mo-request lang ko sa chords and lyrics sa Ikaw  by Yeng Constantino.

Hi Viahna !Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News