Love Story

Dear Banat News,

Maayong adlaw sa tanan! Happy kaayo ko kay nakalugar  na gyud ko og padala sa akong story.  

Paborito gyud nako ang inyong Love Story segment. Suki akong family sa Banat News.  Permi gyud ko mag-atang sa Love Story. Ako diay Recsa Mae, 25 years old ug usa ka college student.

Mura common na gamay ang akong story,apan  unsaon taman, mao man gyud ang nahitabo sa ako kinabuhi,

Naa ko’y uyab ron siya si Johnny, pareha mi og edad ug usa siya ka tambay. Sa tinuod lang gikapoy nako og tambag sa akong boyfriend nga mo-eskwela apan gahi gihapon og ulo uy.

Matag bag-ong bukas sa klase, naandan na niya magpa-enroll apan inigkadugayan, moundang nasad. Nag usik-usik lang gyud siya sa kuwarta, nagsalig man gud siya nga adunahan sila. Naa ra ang iyang parents nga sige og hatag og suporta niya bisan sa iyang kabugoy.

Akoang naila-ila si Johnny tungod sa among silingan. Suod sila sa akong silingan ug dunay time nga nakaapil ko sa ilang tagay .

Wala ko nag-expect nga sa pagsige namo og uban-uban,na-develop na man hinuon ko niya uy busa sa dihang nanguyab siya nako ako ra pud siya nga gisugot.

Ambot lang uy, dili baya nako standard ang lalaki nga tambay pero nabihag man nuon akong kasing-kasing niya.  Nadala man gud ko sa iyang  ka-sweet. Dali ra kaayo ko pakiligon gud.  .

Nakaingon ang uban nako nga friends nga unsa daw ang nakaon nako nga ganahan man gyud ko niya. Kadaghan nako mo-aksyon og buwag niya, apan dili madayon kay mopatigbabaw gyud ang akong love  kaniya. 

Apan dili pa lang dugay, nisaad si Johnny nga mosulod nalang siya og vocational school nga accredited  sa TESDA .  Siya mismo ang una ni-open ana nga topic. Mosulod daw siya og special course nga culinary. Iya ko giingan nga naulaw na daw siya sa ako family, ug dili siya ganahan nga  magsalig gihapon sa iyang ginikanan  kun maabot ang panahon nga magminyo nami.

Gusto siya makahuman sa culinary ug target  niya puhon nga makatrabaho sa gawas. Nalipay rapud ko  kay ganahan gyud siya nga makaangkon og happy nga family.  Ako siya hatagan og tsansa,  kinsa rapud ko nga ako siyang hukman. Tutal, wala paman sad nahupas akong love niya.

Mo-request diay ko sa lyrics sa Can’t Find The Words To Say Goodbye by Nina

Hi Recsa Mae! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa. Mahimo sab nga pinaagi sa snail mail. Ang atong address mao kini: Love Story  C/o Banat News