Love Story

Dear Banat News,

Dugay-dugay na gyud ko nga nagplano nga mopadala sa akong love story dinhi sa Banat News! Ako diay si Kalaila, 24 years old  ug nag-work sa accounting department sa usa ka construction firm  .

Dili man ko angay nga maulaw kay past naman ni nako nga lovelife ang akong i-share. Lima ka bulan na baya ko nga single.

Akong katapusang na-boyfriend mao si Ronin, 23 years old  ug usa  lang ka tambay. 

Wala siya’y plano nga motiwas sa iyang pag-eskwela busa siya ang tawo nga walay pangandoy sa kinabuhi maong nagkatawa ko maghuna-huna kun nganong nahigugma ko niya sauna. Nagkaila mi tungod sa  ML tournament sa among barangay. Pagkita pa lang nako niya ,nakaingon  gyud ko nga guwapo siya bisan putot. Tungod sa mga ML Tournament, nagkasuod na gyud mi.

Siyempre, sa pagsige og uban, na-develop gyud mi sa usag-usa.Pag-abot ug pipila ka semana gikan mi nagka-uyab, nagbuwag ra usab mi dayon kay ako siya nasakpan nga dunay laing babaye.

Apan ako rapud siya nga gipasaylo, hinungdan nga nagbalik rapud mi. Unsaon taman, nahigugma man gud ko niya maong maglisod sad ko og biya niya. Wala nako damhan, mobalik rapud ang iyang pagka-chix boy. Murag ka walo nami nagbuwag, pero magbalik rapud dayon kay lagi, love nako siya.

Ingnon nalang gud ko sa akong friends nga bogo ko sa gugma kay nagpauto-uto gyud ko ni Ronin. Ambot uy, unsay nasulod akong huna-huna niadtong higayona, bisan gipasakitan nako, nisugot gihapon ko nga magbalik mi.

Sa katapusan namo nga breakup, wala na gyud ko nagpadala. Wala nako nisugot nga magbalik mi, kay bisan unsaon nako og away, wala raman gihapon mausab ang iyang pagka-chix boy. Kapila na nako siya nga gipasaylo apan wala gyud nausab, gihimo ra ko niyang uto-uto.

Ako nalang gud giantos sauna ang pagyaga-yaga sa akong friends sa akoa. Ingnon ko nila nga grabe daw ko ka-martyr, unsa daw ang nakaon nako nga dili man gyud ko magpatuo sa ilang tambag. Sa katapusan namo nga breakup, naabot na sa punto nga naluoy nako sa akong kaugalingon.

Daghan kaayo ang nidiskarte nako sauna apan akong gibalibaran kay naka-focus gyud ko niya.  Laktod pagka-istorya  nag-usik usik rako sa akong oras kaniya.  Baga kaayo og nawong, nagtinarong man unta ko sa among relasyon. Hinuon mutuo man ko og karma.  Grabe kasakit ang gibuhat niya kanako. May gani kay naa rakoy friends nga maoy nag-comfort nako aron maka-move on ko. Sa mga babaye nga pareha nako, kun dili na gani intresado ang inyong partner diha kaninyo, ayaw ipamugos ang inyong kaugalingon aron mahunong na ang inyong pag-antos. Ayaw pagmintinar og lalaki nga wala’y ayo!  Mo-request na lang ko sa lyrics sa Paalam  by Moira Dela Torre and  Ben&Ben.

Hi Kalaila! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News