Tito Miguel

Dear Tito Miguel,

Ako si Michelle, 21 years old.Palihug tabangi ko sa akong problema. About ni sa academics ug mental health. Estudyante pako sa usa ka state university and at the same time nagtrabaho as ESL teacher.

Akong problema kay sige na ko og absent sa klase og i-drop nako sa akong mga teachers tungod sa akong absences.

Di man gud ko kasulod sa klase Tito Miguel kay di man ko makamata kay nag take ko og anti depressant kay na-depressed ug na insomia tungod sa family problem. Dili mi suod sa akong parents,mao ma depress ko.

 Kun moinom ko og tambal kay mo oversleep man ko so di nako makasulod sa akong klase. Naglibog nako unsa akong buhaton. Palihug tambagi ko. Salamat! —Michelle

* * *

Michelle,

Ato usa pangitaon unsa’y ugat sa imong gisinati karon. Matud nimo, problema sa pamilya maoy hinungdan sa imong depression. Apan wala nimo giklaro unsa ang problema, igo ra ka nisulti nga dili mo suod.  Kun mao ni hinungdan sa imong depression, klaroha unsa’y nakapalayo ninyo.

Posible nga inyong pamilya dili expressive sa pagmahal sa usa’g usa, apan dili buot pasabot niini ikaw nag inusara.

Duna’y mga ginikanan nga mo distansya sa mga anak aron makabarug sa ilang kaugalingon. Apan nag atang lamang sila sa higayon nga manginahanglan ka’g moabaga. Naa ra sila, andam ug tagana.

Apan kun duna gyud ka’y gibati nga kahaw-ang sa imong relasyon nila, reach out to them kay basin ikaw ra pud gipaabot nila. Duna gyu’y mga pamilya nga dili suod apan malinawon.

Duna’y suod kunohay pero kuwang na lang inig away mag dinunggabay. But of course most ideal is to have both peace and intimacy.

Makab-ot kini sa inanay ug sa natural nga pamaagi, ayaw pugsa kay ang maong relasyon gimugna sa taas nga panahon.

Nisalig ko nga imong anti-depressant duna’y doctor’s prescription. Pahibaw-a imong doctor sa epekto niini, labi na ang oversleeping, which is in itself a symptom of depression. Siya na’y kahibawo unsa’y angay buhaton.

Nisagubang ka’g tulo ka gubat karon: trabaho, eskuyla ug depression. Prioritize your mental health, it is both urgent and important. Dili ka makatarong sa trabaho ug eskuyla kun duna ka’y issue sa panghunahuna.

In the meantime, choose between school and work aron sa kalisod di ka magpas-an. Kun wala ka’y laing source of income labi na kay di ka suod sa imong ginikanan, undangi usa ang eskuyla.

It can wait, but neither money nor your mind can. Balik kun imong hunahuna hapsay na aron sa hingpit ikaw maka-concentrate. —Tito Miguel

* * *

Alang sa inyong mga suliran nga buot ninyong patambagan kang Tito Miguel, -i-like ang Banat Hugyaw ug Banat News fb pages aron adto ninyo kana ipadala ug mogawas kini matag Lunes ug Biyernes.