Love Story

Dear Banat News,

Salamat intawon nga nakahigayon ko og suwat sa akong love story.

Dugay nako nga reader sa Banat News. Ako diay si Niel John, 28 years old ug nagtrabaho sa usa ka coffee shop.

Ako lang i-share ang akong lovelife, nga lima ka bulan na nga wala na.  Nagkabuwag na mi sa akong katapusan nga na-uyab nga si Leresa  nga usa ka call center agent.

Common na kaayo akong love story, ug hatagi ko og higayon nga makaambit pud ko sa akoa. Nilungtad og kapin sa usa ka tuig  ang  relasyon namo ni Leresa   ug wala gyud nako damha ang among panagbuwag.

 Nagkaila mi ni Leresa  kay daghan kaayo mi og common friends. Nagkasabay sa mga laag hangtud nga nagka-close.

Sa pagsige namo og uban og laag, na-develop gyud mi sa usa’g-usa, hangtod nga nagka-uyab gyud.

Mahilig gyud mi og mag-overnight og mga resort, ma-relax man gud mi basta dagat.

Sa dihang naabot ang adlaw nga akong gikahadlokan, kalit lang nagkabugnaw ang tinagdan ni Leresa kanako.

Panagsa na lang siya makigkita nako kay busy daw siya sa trabaho.  Makahibulong gyud kaayo, kay bisan unsa ka busy niya sa una, mangita man gyud siya og paagi nga magkakita mi.

Gipakita gyud niya nga wala siya’y gana sa among relasyon. Bisan unsaon nako og huna-huna, wala gyud ko’y makitang rason nga mawad-an siya og gana nako.

Okay ra baya  unta ang among relasyon,  usahay ras ad mi maglalis.

Dili man sad siya motubag og tarong kun ako siya pangutan-on kun unsay problema.

Samokan siya kun magsige ko og pangumusta kaniya. Dako gyud ang nausab sa iyang batasan nga dili masabtan. Nakalitan ug nasakitan ko og maayo sa gipakita niya nga behavior. Bisan unsaon nako og huna-huna, wala  man  gyud giawayan.

Sa  dihang nihukom  nako nga magbuwag na lang mi kay wala nay lami ang among relasyon. Nideretso siya og sugot nga putlon na ang among relasyon aron daw dili na siya mahasol. Miangkon dayon siya  nga dugay na siya nga dunay uyab ug kabit ra daw ko maong sakto pud nga magbuwag mi. Wala na siya mohatag og daghang detalye. Mura’g nahugno akong kalibutan nga taod-taod na diay ko nga blanko, nga kabit ra diay ko.  Mo-request lang ko sa lyrics  sa  I Can’t Find The Words To Say Goodbye by David Gates.

* * *

Hi Niel John! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News