Love story

Dear Banat News,

Hello sa tanang avid readers  sa paborito nako nga mantalaan ang  Banat News! Permi gyud ko mobasa sa LOVE STORY.  Permi man gud mopalit og Banat News ang akong mama. Ako  diay  si Edsel, 27 anyos   ug  nag-work sa usa ka fast-food chain.

Dugay nako nagplano nga  mo-share sa akong  story . Pero, karon pa gyud ko kalugar og suwat.

Na-engganyo ko og samot  sa pagpadala sa akong experience kay permi gyud ko kiligon sa akong  mga mabasahan dinhi .

Matawag nga single ko karon apan inspired.  Duna ko’y ka-MU, siya si Anafe. Kining among status kay nilungtad na karon  og  tulo ka buwan. Nidiskarte nako ni Anafe apan mas gusto niya nga MU lang sa mi ron, para daw mas mailhan pa namo ang usa’g-usa.

Mas maayo daw ni aron dili mi magmahay sa amohang desisyon.  Ang labing importante daw nga espesyal gihapon ang pagtan-aw namo sa usa’g-usa bisan pa man nga dili pami opisyal nga uyab.

Nagkaila mi ni Anafe kay gipaila-ila siya sa akong barkada niadtong summer league. Niapil man gud mi og og sports league sa among barangay. Usa si Anafe sa committee sa among liga. Same mi og barangay nga gipuy-an pero lahi-lahi mi og sitio.

Pagkakita pa lang nako niya, na-starstruck dayon ko.  Guwapa baya si Anafe  ug  grabe pa gyud ka mahinhin.

Nagpatabang ko sa akong amigo aron akong ma-close si  Anafe.

Tuod man, nagkasuod gyud ming duha ug  anam-anam nga nadevelop ko kaniya.

Niangkon si Anafe nga duna pud siya’y feelings nako pero dili siya ganahan nga magdali sa iyang desisyon

Hinuon, lingaw ra man ang MU apan matawag gyud siya og sugal, kay dili man mi segurado kun unsa gyud ang padulngan niini.

Ang ako ra gyud nga mabuhat, ako na lang gilingaw akong self kun unsa man ang present nako nga sitwasyon. Manghinaot lang ko nga sa dili pa matapos ang tuig, opisyal na nako siya nga girlfriend.

Nalipay man sad ko kay dili man sad niya i-entertain ang ubang lalaki nga magpa-cute kaniya.

Siguro, dako gyud ko og tsansa sa iyang kasingkasing. Ako lang gyud gisiguro nga dili ko makabuhat og sayop. Mo-request lang ko sa lyrics sa Perfect  by Ed Sheeran.

Hi Edsel! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamoy LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News