Dear Tito Miguel

Dear Tito Miguel,

Ako diay  si  Niño,  24 years old ug  taga Barangy Capitol Site, Cebu City.  Nag-work ko karon isip graphic artist.

Naa na ko’y girlfriend siya si Rissa, 23 years old ug nagtrabaho isip call center agent . Gawas sa iyang trabaho, busy usab siya sa iyang masteral. Tulo ka tuig na ang relasyon namo ni Rissa.  Naganahan ko niya tungod  seguro sa iyang kaguwapa ug dali rami magkasinabot sa bisan unsa nga butang.

Sa tinuod langwala gyud ko nang-agi  og panguyab niya.   Nagsugod ra mi sa MU o mutual understanding  nga stage.  Hangtud, amo na lang gisabot ang among mga lihok ug ang treatment namo sa usa’g-usa.

Upat ka buwan na diay  nga walay klaro ang among relasyon. Matawag nami nga uyab ra kung magkita.  Dili na consistent ang among komunikasyon usahay na lang sad mi magkita.  Gumikan kini sa ka-busy   ni Rissa sa iyang trabaho ug  pag-masteral. 

Naa nako ron sa stage, nga nawad-an nako og gana.  Nagkahupas na akong love kang Rissa.  Ganahan nako nga magbuwag mi kay dili nako happy. Akong problema ron, maglisod ko og sulti niya kay sure ko masakitan siya og maayo.  Seguro makaingon ka nga salbahis ko pagkatawo, pero unsaon taman, dili na man gyud ko happy.  Mangayo unta ko og tambag nimo  Tito Miguel. Salamat.  —Niño

Hi, Nino,

Dili ka salbahis kon imo klarohon nga nawad-an ka og gana, dili kini sala provided wa lay third party nga hinungdan. Salbahis ka kon imo itago niya imong gibati samtang padayon siya magtuo nga kamo pa.

She deserves to know the truth the soonest, pagpanglingla ang pagtago sa imong gibati samtang siya nagmahal pa kanimo. Sultii siya sa kamatuoran karon, mas sakit kun dugayon nimo kay gihimo nimo siya nga tanga.

Matud sa kanta, there is no easy way to break somebody’s heart. Pero yuna ra, sigurado ka nga masakitan siya? Wala kay hisgot nga duna siya’y paninguha nga makigkita nimo despite her busy schedule. Duna ba siya’y effort pag-amuma sa inyong relasyon? Kon wala basin nagpaabot ra siya nga ikaw nay makigbuwag niya. It looks like she is so into her career. Basin wala na kay apil sa iyang plano ug siya sad naglisod og sulti nimo.

Remember how you started? Walay courtship inanay nga nahimong kamo. Kon lisud gyud nimo pagsulti puwede sad mo magbuwag sa hinay-hinay. Suwayi pagputol sa inyo communication. Kun mangita siya nimo diha na pagklaro sa real score in person. Sugdi sa text nga, “We need to talk”, to alert her about something serious and prepare her for the worst. Kun dili mangita, then end up the way you started. No words, just actions.   —Tito Miguel