Love Story

Dear Banat News,

Hello mga suki sa Banat News  ako diay si Nancy , 24 years old ko karon ug naa unta koy i-share nga story bahin nako ug sa akong ex- BF. Na-engganyo ko  og padala sa ako love story kay duna koy nabasahan dinhi  nga same og story sa akoa, naka-relate gyud ko og maayo.

Naila-ila nako si  Jay  tungod kay nagka-classmate mi sa pipila ka minor subjects. Timing pud nga tupad mi og lingkuranan.  Akong nahuman nga course kay BS Accountancy, samtang si Jay  kay HRM. Kay nagkasuod naman mi, permi napud mi mag-uban sa among bakante nga mga oras. Hinuon, dili man sad kiwaw kay wala man mi mga uyab niadtong higayona.

Naabot gud ang panahon nga na-develop mi sa usag-usa.  Amo una nga gi-enjoy ang “mutual understanding” stage tungod kay gusto namo nga maila-ila pa namo ang usa’g-usa.

 Lima ka buwan mi nga MU hangtod nga nakahukom dayon mi nga himuong opisyal ang among relasyon niadtong February 15, 2019. Permi gyud ko makilig sa pagkabuotan ni  Jay.  Gawas sa iyang pagka- gentleman, ganahan sad ko sa iyang pagka-bright.

Siya pud ang tawo  nga kun maghisgot og about life, kay makasabay  gyud.  Laktod pagka-storya, dili gyud ko boringan kun mag-date mi kay makasabat ra gyud siya og bisan unsa nga topic.

Ni-graduate mi niadtong March,  ug pag abot sa April kay puros nami nakakita og trabaho.    Nag-work  ko isip admin staff sa usa ka  call center, samtang si Jay kay naa sa office sa usa ka construction firm.

Grabe gyud mi ka-busy, maong katagsa  nalang gyud mi magkakita.   Pero, dili gyud na mawala  ang among komunikasyon.

  Kasagaran mi magkita kay weekend nalang o ba kaha sa mga holiday.  Bisan paman nga busy nami sa among mga career, wala gyud kini nakaapekto sa akong paghigugma kang Jay.

Kun maabot na gani ang weekend,  unya ma-timing nga bag-o ming suweldo, manglaag  gyud  mi og resort aron ma-relax. Tulin ra pud ang dagan sa among relasyon ug nindot pa gyud kaayo kay supportive ra ang tagsa-tagsa namo nga pamilya.

Apan pag-abot og June   kay  ako nasakpan si  Jay nga dunay ka-date sa usa ka  restaurant.  Ambot lang pud, nganong na-timing man gyud nga naa pud siya didto nga restaurant.    Nag-crave mi sa akong officemates og steak, maong nangadto mi sa usa ka tago kaayo nga restaurant.

Pagpadulong nako sulod, wala kabantay si Jay nako , sige rako tan-aw niya ug sa iyang kuyog nga lalaki.   Pero lahi ra gyud ako na-feel , kay sweet kaayo siilang duha.    Tanang  close nga friends ni Jay kay kaila baya ko. Pero kadto nga  lalaki nga kuyog niya niadtong higayona kay wala ko kaila.

Guwapo  si Jay,   ug guwapo pud ang kauban niya sa restaurant.   Ako giabisohan akong friends nga dili mi mopadayon og kaon sa maong restaurant kay dili gyud ko komportable.   Wala gyud nasayod si Jay nga nakakita ko niya.   Pagka-sunod adlaw niana, nagkita mi ug didto ko nisulti sa akong nakita. 

Sige ko pangutana kun  kinsa ang lalaki nga kauban niya sa restaurant. Dugay kaayo siya nitubag maong samot na hinuon nga wala mahimutang. Kay kun friend baya tu niya, dapat unta makatubag dayon siya sa akong pangutana.  Sa pagsige nako og pangutana, napugos gyud siya og angkon nga uyab diay niya ang maong lalaki.

Niangkon si Jay nako nga usa siya ka gay nga discreet.  Giuyab daw ko niya aron dili masakpan ang iyang identity. Naghilak ko sa iyang rebelasyon, ug kaming duha ang nidesisyon nga hunungon na namo ang relasyon. Akong pasagdan kun asa siya malipay.  Dili man sad ko mosugot nga props lang ko permi.Request lang ko sa lyrics sa Somewhere In My Past by Divo Bayer .

Hi Nancy ! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story

 C/o Banat News