Love story
Dear Banat News,
Hello sa tanang suking readers sa nag-una nga mantalaan sa Sugbo, ang Banat News. Tawga lang ko sa pangalan nga MJ, 30 years old ug nagtrabaho sa usa ka department store dinhi sa Cebu City.
Kanunay gyud ko mobasa og Banat News, ug dugay na gyud ko ganahan magpadala sa akong love story, pero karon ra gyud ko kalugar og suwat.
Naa nako’y uyab, siya si Niño, 25 years old ug nagtrabaho sa usa ka restaurant.
Wala gyud ko nag-expect nga magkauyab ming duha kay ako ra ba siya nga crush sa una. Siyempre, kutob ra ko ato sa crush kay naa paman siyay uyab niadtong higayona.
Nagkaila mi ni Niño tungod ra pud sa among tagsa-tagsa nga barkada.
Pirmi gyud ko mangulba kun makasabay siya og jam sa among barkada. Siyempre, dili malikayan ang mga sungog-sungog.
Timing pud nga taod-taod nako nga single niadtong tayma, maong ako nalang sakyan ang mga sungog-sungog kay nakabantay na man pud ko nga nagpa-cute si Niño kanako.
Pero lain kaayo paminawon pud uy, kay naa bayay uyab si Niño.
Apan pag-abot og duha ka buwan, sukad mi nagkaila, wala nako damha nga nagparamdam naman si Niño nako uy.
Pag-una, wala kay nako tagda kay naa baya siya’y uyab. Hangtod nga nadala gyud ko sa iyang diskarte maong ako nalang siya gisugot ug nagkauyab mi niadtong March 1, 2018.
Duna pa siya’y uyab niadtong higayona, apan nisugot nalang pud ko mahimong kabit kay ganahan man kay ko ni Niño. Nindot gyud baya sa feelings nga mauyab nimo imong crush.
Dili lalim ang kinabuhi sa usa ka kabit, kay dili ko maka-demand og time niya kay duna baya siya’y original nga girlfriend nga hatagan pud niya og saktong oras. Sa panahon nga mag-uban sila permi, siyempre magselos ko ug mohilak nalang ko sa tago. Unsaon taman, nisugot man ko mahimong kabit maong barogan na lang gyud nako.
Naabot gyud ang panahon nga akong gipangandoy. Nagbuwag gyud sila sa iyang girlfriend niadtong December 2018. Nasakpan niya ang iyang uyab nga dunay lain. Nabawsan si Niño sa iyang binuhatan. Ang nakalahi lang kay wala mi masakpan.
Sukad sila nagbuwag sa iyang GF, nisaad gyud siya nako nga ako ra gyud ang girl nga iyang higugmaon. Matud pa ni Niño nga dili gud ko niya buhian kay ako daw ang girlfriend material alang kaniya. Niangkon siya gikarma siya sa iyang ex-girlfriend maong mag-usab na gyud siya ug dili gyud siya magbinuang sa among relasyon. Gikan sa pagka-kabit, matawag nako karon nga legal girlfriend. Kahibalo ko nga dautan gyud akong gibuhat sa una, dili ko perpek0to ug tawo rapud ko nga makasala. Mo-request ko sa lyrics ug chords sa I’m With You by Avril Lavigne.
* * *
Hi MJ ! Thank you so much sa imong LOVE STORY! Paabuta ugma puhon ang imong request
* * *
Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini:
Love Story
C/o Banat News
- Latest