Love story

Dear Banat News,

Hello  tanang suking readers sa  Banat News!  Permi gyud ko mag-atang sa LOVE STORY, ako  diay  si Christian, 24 years old ug nag-work ko karon sa usa ka restaurant.

Naa na ko’y uyab, siya  si  Charice, pareha mi og edad  ug  nag-work siya sa usa ka national government agency.

Siya ang akong first nga nauyab niadtong 2017, pero nagbuwag rasad mi niadtong 2018.  Siya gyud ang matawag nako nga uyab, dili rako manumbaling  niadtong bata pako kay uyab-uyab ra man to, dili seryoso.

Wala ko nag-expect  nga karong tuiga,  2019, nagkabalik mi ni Charice.  Naputol ang among relasyon  sa una kay puros pa mi mga  bata-bataon, sige og away sa gamay ra kaayo nga butang.

Niadtong  February  karong tuiga,  bugal-bugalon kaayo   uban nga common friends namo ni Charice.

Nagbuot-buot og himo og istorya nga gimingaw daw ko ni Charice.  Ilaha gyud na gitabi kang Charice  ug nikatawa ra daw kini.

Nasurprisa ko ni-message bitaw na si Charice sa FB  ug  niana siya nga gikilig daw siya kay gimingaw daw ko niya.

Nahimuot kaayo  ko sa iyang message, maong gisakyan nalang pud nako. Hinuon gikilig man sad ko gamay labi na pagkahibalo nako nga wala pa nakauyab  og bag-o si Charice.

Wala nako damha nga magkasinabot mi nga mag-date.  Nagsagunson pud  ang padalhanay namo og mensahe  sa  FB.

Na-develop ko niya,  ug nakita nako nga nagka-mature napud si Charice  ug  permi nako mingawon niya kung dili magkita.

Inigpadulong nako tulog , siya gyud ang naa permi sa akong  huna-huna maong nakahukom ko nga  manguyab niya og balik.  Lipay kay ko, ug gisugot ko niya  kay nagka-mature napud daw ko.  Dili na kaayo mi maglalis.  Ganahan kay ko sa among sitwasyon kay dili mi selosa ug seloso. Nagpasabot nga grabe ang pagsalig namo sa usa’g-usa.   Mo-request lang ko sa lyrics sa You Are My Sunshine  by Moira Dela Torre.

Hi Christian! Thank you so much sa imong LOVE STORY! Paabuta ugma puhon ang imong request

* * *

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News