Love Story

Dear Banat News,

Maayong adlaw sa tanang avid readers sa kinaham nako nga mantalaan ang Banat News! Permi gyud ko mobasa sa LOVE STORY. Ako diay  si Denden, 28 years old  ug  nag-work sa usa ka construction firm.

Maulaw gyud ko sa una   nga mo-share sa akong lovelife. Pero nakahuna-huna  ko nga okay ra man diay nickname ra bitaw ako gidala ug wala nako butangi og apelyido.

Single ko karon pero inspired.  Lisod siya sabton pero maong nakaingon ko nga inspired ko tungod kay sige mi og kita sa akong ex-girfriend nga si Niña.

Nagka-uyab mi niya niadtong 2017 pero nagbuwag mi pagka-2018 kay puros mi na-busy sa among tagsa-tagsa nga trabaho. Nagtrabaho diay si Niña sa usa ka coffee shop.

Sa akong nahinumdoman gibuwagan ko niya kaniadto kay maglisod daw siya og hatag og time nako tungod sa iyang trabaho.

Apan   naidtong January, nabalik bitaw ang among komunikasyon ug nagsugod kini sa dihang nagsagunson ang mga laag sa among common friends.

 Laktod pagka-istorya, mag-abot gyud mi permi sa mga laag sa among common friends.

Wala mi nagdumot sa usa’g-usa ug magtagad gihapon mi. Kun dunay mga laag unya mataymingan nga susama mi og rest day, magkauban gyud mi ug didto nagsugod og balik ang among kasuod.

Wala gyud ko nagpahimulos sa higayon bisan nagkasuod mi og balik. Mura’g nibalik ang akong pagbati kaniya pero dili nako modiskarte kay daan na siya nga niingon nga mopahuway una siya og uyab-uyab.

Magteksanay baya mi pero  moana gyud siya nga kontento na siya sa among sitwasyon karon.

Niana siya nga dili ko angay nga ma-pressure ug tugtan ra ko niya nga maka-uyab og laing babaye total wala baya mi nagbalik.

Dili ko kaantos usahay, makaingon gyud ko niya kun okay ra ba nga magbalik mi, igo ra man siya mokatawa.

Nagtuo ang ubang tawo nga nagbalik, pero igo rami mokatawa.   Nadawat na nako ang kamatuoran pero wala diay ta kahibalo basin pa diay dunay milagro nga mahitabo puhon, ma-develop siya nako og balik, (ambisyoso ra kay ko nu?)   Bitaw, happy kay ko, wala man pud ko nagdali kun dili gyud mi magkabalik wala ko’y mahimo pero kun magbalik gani  ikalipay gyud na nako og maayo. Bahalag wala mi nagbalik basta siya ang nakahatag og kalipay nako karong panahona. Mo-request lang ko sa lyrics sa  Kahit Ayaw Mo Na by This Band.

Hi Denden! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story C/o Banat News