Love story

Dear Banat News,

Hello sa tanang suki nga readers  sa  Banat News! Permi gyud ko mobasa sa LOVE STORY. Ako diay si Kariksa, 24 years old  ug  nag-work isip manager sa usa ka coffee shop.

Nagduha-duha gyud ko  nga mo-share sa akong past lovelife  kay maulaw ko. Pero nakahuna-huna  ko nga okay ra man diay, total, sa una ra bitaw to. Unom ka  buwan na ko nga wala’y uyab ug naka-move on nako.

Malipayon ra kaayo ko sa akong life karon, ug naka-focus ko og maayo sa akong trabaho.

Akong katapusang na-uyab mao si Ninz, 21 ug nag-eskwela sa usa ka unibersidad dinhi sa Cebu City sa  kursong AB Finance.  Nagkaila mi ni Ninz  tungod kay nagkaabot mi sa kasal  sa akong barkada ug gipailaila ming duha. Nagkalawom ang among  pag- estoryahanay, nangayo siya og contact number nako kay i-invite daw ko niya sa iyang mga laag.

Sweet kaayo si Ninz , apan ang nakapaet lang kay ako na-discover nga bag-o pa diay sila nagkabuwag sa iyang ex  niadtong higayona hinungdan nga ganahan kaayo siya makig-date nako. Lain kaayo sa akong part nga himuon lang ko niya nga panakip butas aron maka-move on sa iyang ex.  Apan kay humok man ko og kasing-kasing, dali ra pud ko nadala sa iyang diskarte  ug niana siya nga dili daw ko panakip butas.

Bisan bag-o lang sila nagbuwag sa iyang ex, nisugot gihapon ko nga makig-date kang Ninz kay madala man gud ko sa iyang mga sweet nga messages.

Mopahiyom lang siya sa akong atubangan, mura man ko’g madala sa iyang ka-cute gud. Seguro, sakto ang gisulti sa akong mga amiga nga humok daw ko og ilong kay dali ra ko madala sa pa-effect sa mga lalaki.

Sa mga linihokan ni Ninz, ug sa iyang gipakita nako, dili ma-deny nga na-develop gyud ko niya.  Pag-abot sa panahon nga nanguyab siya nako, ako dayon siya nga gisugot. Nakaila na man ko sa iyang batasan, kay niabot baya og upat ka buwan ang among “getting to know each other stage”.

Okay ra baya unta ang  dagan sa among relasyon sulod sa  pito ka buwan, apan sama sa ubang maghinigugmaay, naabot pud ang mga oras nga magsige mi og lalis.

Permi gyud namo awayan mao ang pagsige niya og kasuko nako kun dili ko makigkita kaniya. Dili man malikayan  nga  dunay mga panahon nga ma-busy ko sa ako work, labi na kun mag-overtime ko.

Maulaw ko sa iyang batasan uy, pang-awayon niya akong friends  pinaagi sa pag-chat sa FB.  Ing-ana gyud siya  kasamokan.  Dili nako happy sa among sitwasyon. Guwapo gyud baya unta si Ninz, apan ang iyang batasan dili gyud nako maantos.

Nagkagrabe ang among away ug niabot sa punto nga magduda siya nako kay basin daw naa ko lain maong panagsa ra ko makigkita niya.

Magsige na lang siya og panginsulto nako, ako siya gipasabot sa akong side, pero dili siya maminaw gusto niya nga mag-uban na lang gyud mi permi. Na-feel nako natuok nako niya og maayo maong nakahukom ko nga makigbuwag niya bisan sakit kaayo para sa akoa. Nagsige ko og hilak sa akong desisyon. Sa sinugdanan dili siya mosugot, apan wala siya’y mahimo kay sure na gyud ko sa akong desisyon. Dili ko gusto nga naa ra sa akoa nagtuyok ang iyang kalibutan, kay naa pud baya mi tagsa-tagsa nga priorities sa kinabuhi.   Mo-request na lang ko sa lyrics sa Malibu Nights by LANY.

Hi Kariksa! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News