Love story

Dear Banat News,

Maayong adlaw sa tanang avid readers sa  Banat News! Basta  Martes na gani, ang LOVE STORY gyud ang una nakong basahon sa Banat News. Malingaw gyud ko mobasa og LOVE STORY, kiligon ko usahay, duna pu’y time kay maguol, depende sa dagan sa story.

Ako diay  si Nazareth, 23 years old  ug nag-work isip accountant sa usa ka construction firm.

Dili kaayo ko komportable sa una nga mo-share sa akong past lovelife. Pero naabot na ang time nga dili nako angay maulaw. Taod-taod na man diay ko nga single uy.

Akong katapusang na-uyab mao si John, 24 ug nag-work sa usa ka LGU.

Silingan ra mi ni John  maong bisan wala nami kanunay gihapon magkasugat .

Na-develop mi sa usa’g-usa tungod ra pud sa pagsige namo og jam uban sa among mga barkada.

Magkasinabot og bisan asa nga laag, nagkailhanay og maayo  ug didto naporma ang gugma namo sa usa’g-usa.

Ganahan kay ko ni John, kay gawas nga guwapo, buotan pa gyud kaayo.  Mubo siya og height, pero mabawi ra man sa iyang kaguwapo.

Nagka-uyab mi February 15, 2017,  ug nagkabuwag mi kay  June 30, 2018. Sweet  baya nga pagkatawo si John, apan ang permi gyud namo awayan mao ang iyang pagka-barkadista. Wala  gyud ko totally naglagot sa iyang barkada apan ang kalagotan lang nako, kay dili magpahibalo usahay kun asa siya nilaag.

Dili baya ko higpit nga pagka-uyab, pero ang akoa lang ba, dapat makahibalo sad ko uy kun asa siya molaag, total dili man sad nako siya pugngan.

Sa pagsige namo og away napul-an na si John kanako, iyaha kong giprangkahan nga mas maayo pa nga magbuwag na lang mi .

Laktod pagka-estorya, siya ang nakigbuwag nako.  Iyaha ko gi-block sa Facebook, ug gisunod dayon sa messenger.

Sakit pud baya ang iyang gibuhat, samot na nga wala nami komunikasyon. Ganahan gyud ko unta mo-explain sa ako side pero dili na man gyud siya. Gusto na gyud niya nga putlon ang among relasyon.

Mura’g duha ka semana gyud ko hinilak tungod sa akong kamingaw kaniya. Sige na lang ko og maoy sa FB, sige ko’g tagay with my friends.

Sakit jud kaayo ang iyang gibuhat uy, ako pay nangita og paagi nga magbalik mi, pero dili na gyud siya.

Simple ra gyud unta ang akong sala, apan wala na siya kaagwanta. Dali ra kaayo ni-surrender , wala niya barogi ang gugma niya kanako. Kun magsugat mi sa dalan, dili gyud ko motagad kaniya, bahalag ingnon ko og bitter nga pagkatawo. Tungod sa maong hitabo, dili pako andam mosulod og bag-ong relasyon.  Request lang ko sa sa lyrics sa Malaya by Moira.

Hi Nazareth! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story C/o Banat News