Love story
Dear Banat News,
Maayong adlaw sa tanang readers sa Banat News ako diay si N, 25 years old ug nag-work ko karon isip call center agent.
Permi gyud ko mobasa og Banat News kay mopalit man gud kada adlaw ang akong mama.
Lima ka buwan nako nga single ug happy ra ko sa akong life karon. Si D maoy last nako nga nauyab . Pareha me og edad ug nag-work siya sa usa ka restaurant diha sa Ayala.
Kini si D, lisod gyud sabton ang batasan, mangaway lang og kalit nga wala’y rason. Seguro mao na ang iyang pamaagi sa paglambing kanako.
Nagkaila mi tungod lang sa Facebook kay ako man siya gi-add ug gi-accept ko niya. Niuna ko og chat ug wala nako damha nga mo-reply siya nako. Kataw-anan pa gyud kaayo, bisan dili pa mi uyab niadtong higayona, dali ra kaayo siya masuko kon dugay ko ka-reply.
Kay naa baya’y panahon nga ma-busy jud ko ug bisan dili mi uyab, mao nana amo lalisan.
Nakaingon gyud ko nga naa na sa MU o mutual understanding ang among status kon basehan ang sweet messages sa among conversation.
Permi na gud mi magkumustahay ug kanunay gyud mi og update sa usa’g-usa sa among mga ginabuhat anang adlawa.
Tungod kay na-develop na man gyud ko niya og maayo nidiskarte dayon ko kang D ug gisugot gyud ko niya.
Sa dihang nagkauyab nami magsige na man hinuon mig away uy kay dili gyud siya kasabot sa akong ka-busy.
Taas kay ko og pasensiya nga pagkatawo pero usahay manapat na man hinuon siya nako. Siyempre dili gyud ko mosukol kay babaye baya siya. Sa tinuod lang grabe gyud siya mamun-og usahay naa koy mga labhag sa nawong.
Tungod sa maong sitwasyon nagkahupas ang akong gugma kaniya ug nihukom ko nga ako siya buwagan. Sa dihang ako na siyang giingnan nga magbuwag mi, nisugot bitaw siya. Ana siya nga dili siya mamugos sa tawong dili na ganahan kaniya. Ingon ana ka strong si D. Kung magkasugat mi magtagad ra man mi.
Salamat kaayo sa Banat News sa paghatag ninyo og pagtagad sa akong tampo. Mo-request ko sa lyrics sa You’ve Got A Way by Shania Twain.
Hi Niño! Thank you so much sa imong LOVE STORY! Paabuta ugma puhon ang imong request
Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini: Love Story C/o Banat News
- Latest