Love Story

Dear Banat News,

Hello sa tanang readers paborito nako nga Banat News, suki gyud ko sa Love Story segment ako diay  si  R, 23 years old ug usa ka college student.

Naa ko’y boyfriend ron  ug siya si E, pareha mi og edad  ug usa siya ka tambay. Sa tinuod lang gikapoy nako og tambag sa akong uyab nga mo-eskwela apan dili gyud mopatuo.

Dunay mga time nga mosuway siya og eskwela apan inigkadugayan  muondang ra pud dayon  nag-usik -usik lang sa tuition. Nagkaila mi ni E, tungod sa among mga kaila ra pud ug sa sinugdanan dili kay ko ganahan niya kay lagi nakita nako nga tambay ug mura’g wala siya’y plano sa iyang kinabuhi.

Wala ko magdahom sa pagsige namo og uban-uban sa laag na-develop na man hinuon ko niya uy busa sa dihang nanguyab siya nako ako ra pud siya nga gisugot.

Buguyon siya pero gentleman ra man pud siya.  Apan sa pagsige nako og tambag nga mo-eskwela siya og balik dili na man siya  mopatuo uy.  Magsige na lang siya og salig sa iyang ginikanan.

Kay magsige na man mi og away nagkawalay lami ang among relasyon.  Unsay gusto niya ako na lang ang mobuhi  niya?

Naa pa ang love nako ni E apan kung dili gani siya mag-usab, mohukom na gyud ko puhon nga ako siya nga biyaan bisan sakit alang kanako.   Gusto ko nga humanon niya ang iyang pag-eskwela  kay kun engkaso nga kami ang magkaminyo  dili  lisod ang among kaugmaon.  Ako ra siya nga gihinay-hinay og tambag ug nisaad siya nga buhaton niya kini sugod karong June.  Kon dili gani niya matuman ang iyang saad segurado nako nga ako siya nga buwagan. Kay alang kanako dili ta mabusog anang puros lang gugma kinahanglan mangandam pud ta sa atong kaugmaon .

Mo-request diay ko sa lyrics sa Angel of Mine by Monica.

Hi R! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News