Suki sa buwag

Sa tanan nako  nga relationships, ang ending kay ako ang  masakitan . Gibuhat man nako tanan to be a perfect girlfriend pero nganong binuangan man gihapon ko?  Upat  kabuok akong ex ug sila’ng tanan, gibiyaan ra ko nila. Wala  nako kahibaw kung ganahan pa ba ko ma-in love utro kay basin masakitan ra gihapon ko. Nganong ingon ani man ni’ng gugma, Medyo Maldito? Unsaon man nako pagkahibalo  nga ang akong ma-meet sunod kay siya na gyud ang the one? Unta matambagan ko nimo. Jessy.

* * *

Jessy, usahay, sa atong kinabuhi, kinahanglan ka ma-in-love sa sayop nga tawo. Kinahanglan ka ma-inlove atong tawo nga sa sugod ra maayo. Kinahanglan ka ma-attach atong tawo nga biyaan ra diay ka paghuman niya’g saad nga dili  siya mawala. Kinahanglan ka makasuway ana nga  relationship nga grabe ka toxic. Kinahanglan makasuway anang pulihan ra ka sa tawo nga bag-o ra niya nakaila. Kinahanglan maingnan ka sa usa ka lalaki nga ganahan siya nimo pero taman friend ra gyud iyang gusto. Kinahanglan ka mingawon sa usa ka tawo nga wala  gyud ga huna-huna nimo. Kinahanglan ka ma-inlove atong tawo nga inlove pud diay sa uban, dili nimo. Kinahanglan ka ma-inlove atong tawo nga gub-on ra imong salig niya. Kinahanglan ka muhatag og second chance sa mga sayop nga tawo. Kinahanglan ka ma-heartbroken over and over again. Kaning tanan, usahay, kinahanglan ni nimo masuwayan aron ma-realize nimo nga you deserve someone better. Usahay, kinahanglan ni nimo masuwayan nga mga kasakit kay aron kung makita na nimo imong “the one”, makaingon gyud ka nga siya imong gihuwat. Ma-appreciate nimo ang  tanan tanang kasakit nga nasinatian kay sila’ng tanan made you a stronger person ug gi-lead ka sa happiness nga molungtad gyud sa kahangturan. Jessy, ayaw kahadlok mahigugma. Kung gibinuangan ka, okay ra na. Importante, dili  ikaw ang nagbinuang. Ang imong the one, dili na nimo kinahanglan pangitaon. Muabot ra na siya. Bahala’g dugay. Kay in the end, makaingon ra gyud gihapon ka nga worth it imong paghuwat niya.