Nagduda sa bana

Sayo gikuha sa Ginoo ang ako’ng bana. Nadisgrasya siya sa motor kaniadtong December, last year. Dugay ra ako nga nagduda nga may lain siya nga babaye. Kada duaw nako sa iyang lubong sa menteryo, naa g’yuy buwak sa iyang nitso. Wala pa lang nako masakpi kun kinsa’y nagbutang.  Namatay na man unta siya apan anaa gihapon ko’y kahiubos sa akong bana Jacky. - Melly

* * *

Dear Melly,

Ang imong pagduda, tinuod man o dili, is not doing you any good.  You have to deal with the grief of losing someone you love. Unya dugangan pa gyud og selos ug kahiubos. Grabe na gyud nang sakita uy. Ayaw na Melly. Pasaylo-a na tawon siya. Let your husband rest in peace.  This way, you will also find peace. Maka-let go na gyud ka completely.- DJ Jacky G

* * *

Kun gusto ka nga ma-feature sa DDJJG, i-like ang akong FB fanpage ug i-private message ang imong problema sa:  www.facebook.com/djjackyg  and follow me on IG:  www.instagram.com/djjackyg.  Mapaminawan ko ninyo sa radyo matag 9-11am, Mon-Fri sa MOR 97.1 Lupig Sila! For Life!

Daman sa udtong tutok

Ni Rosalie Vallecera

Nakugang ang akong amiga nga si Kris pagkakita kanako nga miabot sa ilang panimalay sa maong oras sa kagabhion.

Gitug-anan nako sila si Kris sa hinungdan kun ngano nga nakahukom ko nga mopalayo sa among dapit.

“Nahiubos ako sa akong mga ginikanan. Imbes nga manalipod sila nako, sila na hinuon ang nangunay paghangyo nako nga isibog ang kaso nga among gipasaka batok ni kuya Cain,” matud ko.

“Unya, Dar, unsa may imong plano karon?” gipangutana ko ni Kris.

“Moadto ko sa Cebu, Kris,” mubo ko nga tubag.

“May kadangpan ka didto?” ni Kris.

“Wa lagi. Pero bahala na ni. Mangita ko’g trabaho didto. Dili na ko ganahang mopuyo sa amo. Di na ko gusto nga makakita sa akong maguwang,” giingnan nako si Kris.

Nakapanglingolingo si Kris. “Ikaw ang mag-igo, Dar. Naluoy ko nimo, pero unsa man usab ang akong ikatabang nimo?” matud sa akong amiga.

Hapit na ang ala una sa kaadlawon sa among pagkatulog.

Pero wala ako’y tarong kinatulgan. Nag-alindasay ko pag-ayo. Wala ko kalikayi nga maghunahuna kun unsa kaha ang kapalaran nga nagpaabot nako didto sa Cebu.

Kini ang kabalaka nga nahimong pabilo sa minanok nako nga kinatulgan. (Sumpayan)