Garbo sa UC-Banilad Madaugon nga dagway sa campus

Lumad nga taga dakbayan sa Sugbu. Lumolopyo sa barangay Lahug. Batan-on, ambongan ug utukan. Sa iyang gitas-on nga 5'10 maglisud ka pagtuo nga 17-anyos pa lang siya, apan kana maoy tinuod. Managsama nga Pilipino ang iyang mga ginikanan ug mga Sugbuanon, busa gasa nga matawag ang iyang pambato nga barug. Siya walay lain kundili ang bag-ong napili nga Events and More Mr. Campus Face 2007, si Edgar Rey Mesa Jugadora, tinun-an sa University of Cebu-Banilad Campus sa kursong Nursing.

Niadtong Sabado sa gabii, diha sa dakong wanang sa MCWD Auditorium, 25 ka mga kandidato gikan sa nagkadaiyang unibersidad ning dakbayan ang iyang gipildi aron pag-angkon sa titulo nga wala niya damha. " I expected nothing," dali niya tug-an sa Banat Hugyaw pipila ka gutlo human siya midaog. Suma pa niya misalmot siya aron lang dunay kasinatian, gawas nga gidasig pod siya sa iyang manager sa Chameleon Models nga si Amy Undaloc.

Apan kun bukikion ang mga pahina sa iyang pagpanimpad, makaplagan nga dili siya bag-o sa mga indigay nga ingon niini. Sa UC-High School siya maoy midaog isip Mr. Biolympics 06 ug Mr. Nutrition 06. Misalmot siya sa Mr. UC 06 apan dili pa niya panahon nga magmadaogon. Nagpanuigon lamang siya og 16-anyos dihang nagsugod siya og tekang sa mga entablado alang sa ingon niini nga personality contest, diin dugang pa ni Edgar napugos lamang siya sa sinugdanan tungod kay siya maoy giduso sa iyang mga magtutudlo nga morepresentar sa ilang klase.

Kinamaguwangan sa upat ka mga magsuon, siya lang nag-apil apil og mga personality contests, apan gitin-aw niya nga igo lamang siya nga miduyog sa panahon. Hinoon kun dunay maayong oportunidad nga muabot, ilabi na nga ang mananaug sa national finals karong Hunyo makabaton og modeling contract ingon man kahigayonan nga masulod sa showbiz, kinsa man siya nga mubalibad?

Pahiluna kay ato pang ila-ilahon si Edgar Rey Mesa Jugadora.

Banat Hugyaw: Ingon sila nga puno sa pamolitika, pagpahimulos ug kahakog, unsay ikasulti nimo niini?

Edgar: Hmm..I only enjoy the moment when im into pageants and I can't say anything about it. Wa man koy nabantayan?

Banat Hugyaw: Okay tungod kay nag-enjoy man ka sa pagsalmot og ingon niini, unsay ganahan ug dili nimo ganahan sa pageants?

Edgar: I like when the pageant is fair and square. I don't like it when luto na ang winners. In an open pageant, mga pang fiesta lang gud nga pageants, there are contestants nga taga diha ra and they all won.

Banat Hugyaw: Maayo ka manabi, your English is okay and I think mao nay puntos nimo niadtong Sabado sa gabii, giunsa nimo kini pagkab-ot?

Edgar: Thanks, during my vacant time I usually go to the library and read, because I want to cope up with my weakness, my English proficiency. I'm just in average, no awards in high school. But I am known as a participative student kay niapil man ko hapit tanang contests sa school.

Banat Hugyaw: Ah okay. Palahi ta, dunay na ba kay uyab? Mutuo ba ka anang giingon nga "ideal girl?"

Edgar: No, wala ko roy uyab. For me there is no such thing as an ideal gf but I believe that there is a right gf. Nakauyab nako pero di jud magdugay. I like a girl who is true to herself. Maybe di pa jud siguro ko ready og ingon ana, bata pa ko og utok about love talk gud.

Banat Hugyaw: Unsa nga matang sa babaye ang maka-kawhat sa imong atensyon o unsay ganahan nimo sa usa ka babaye?

Edgar: A girl who is true to herself.

Banat Hugyaw: Adtong Sabado kasagaran sa mga nanan-aw mga bayot nga labihang nakasinggit ilabi atol sa swimwear competition, unsa ka bukas ang imong huna-huna alang sa mga isyu nga ingon niini? Kun dunay adunahan nga bayot nga motanyag nimo og usa ka milyon aron makigdulog ka niya og usa ka gabii, unsay imong isulti niya? Nakadawat na ba ka og mga indecent proposals?

Edgar: I will just smile, and say nothing, kay dili ko buot nga makapasakit sa uban. Maybe the smartest answer is to stay quiet. Ok lang as long as no harm done. Yes, nakadawat na, pero I only told them that I can be there friend.

Banat Hugyaw: Isip model unsay imong mga limitasyon kun mga bisti nga ipasul-ob nimo maoy hisgutan? Andam ba ka nga mohimo og sexy pictorial o ba kaha movie, diin kinahanglang ipakita ang imong sampot?

Edgar: Hmm.. I can wear trunks but now, I can't do something like a sexy pictorial that would show my butt because I'm not of legal age yet. But at the right time and with the right people, yes I can do it.

Banat Hugyaw: Unsay imong prinsipyo sa kinabuhi? Unsay pagtulun-an nga nakutlo nimo gikan sa imong mga ginikanan nga imong gitamod karon sa imong kaugalingon?

Edgar: Pagkamatinud-anon. Ang akong nakat-onan gikan sa akong mga ginikanan mao nga, I am not afraid to tell who I am, where I am from and what I am. And I am real.

Banat Hugyaw: Unsay labing maot nga komento nga imong nadungog kalabot nimo?

Edgar: Nga mura kuno kog bayot tan-awon sa stage. Hehehe

Banat Hugyaw: Unsay makapalagot nimo?

Edgar: I would be angry if someone imitates my work.

Banat Hugyaw: Describe yourself in five words?

Edgar: I am what I am.