Trabaho lang…

Walo tanan ka mga lalaki ang ka love scene ni Rob Guinto sa Brillante Mendoza movie Virgin Forest nga nag-streaming na sa VivaMax sugod niadtong Biyernes. Aminado si Rob, nga kini maoy labing mapangahason niya nga pelikula, ug siya ang labing daring sa tanan nga naglangkob sa pelikula.

Apan matud pa niya, trabaho lang ang tanan, ug buot lamang niyang ipakita ang unsay mahimo niyang buhaton pa isip artista. Apan gawas sa sexy scenes niya, mas napakita sab niya ang iyang potensyal sa panahon nga nagpabuang buang ang iyang karakter sa pelikula. Dako kini nga break alang kang Rob, diin naka esena pa niya ang premyadong actor nga si Sid Lucero, gawas nga daghan siya og nakat-onan gikan sa award-winning director nga si Brillante. Nagsugod sa modeling si Rob, hangtud nga nahimo siya nga video game streamer ug vlogger hinungdan nga mas daghan ang nakaila niya sa social media. Giklaro ni Rob nga wala siya napugos sa pagpa sexy kay bread winner siya sa pamilya, kundili, nakauyon gyud siya sa iyang gibuhat ug malipayon siya sa iyang bag-ong showbiz career. / Gikan sa PEP

Kabutbut-on sa Ginoo

Giisip ni Andrea Torres nga usa sa labing maayo niya nga tuig ang 2022. Kini kay nakamugna siya og international movie didto sa Argentina nga giulohan og Pasional ug sige sab siya og travel. Gumikan niini, wala matud pa niya nabatyagan nga magduha na diay siya ka tuig nga walay ka relasyon. Suma pa ni Andrea ngadto sa PEP, lig-on ang iyang pagsalig sa Ginoo, ug wala siya batia og kahaw-ang o nga adunay kuwang sa iyang kinabuhi. Kun may muabot man gani, kana kabubut-on sa Ginoo, ug ang maong binuhat dili mokompleto niya, kundili modugang lang sa kaanindot na sa iyang kinabuhi karon. Aduna matud pay gihugonhugon nga teleserye nga iyang himuon sa GMA7, apan hangtud nga wala pay story conference ug  dili pa magsugod ang taping, dili usa kini niya ibutyag.