Homework

Maghisgot ta’g Homework karon, kay gilalisan na kini karon sa atong mga magbabalaud ug mga educator ... kun makadaut o makaayo ba kini sa mga estudyante. Aduna man guy sugyot nga wagtangon kini sa junior ug senior high school. 

Sa gipaabot, nagkasungi ug nagkabuwag ang mga opinion bahin niini. Samtang adunay moingon nga kinahanglanon kini, at least, pag-disiplina sa bata ug pagpa-enhance sa iyang study habits, daghan usab ang moingon nga nakahasul kini sa kabataan ug nakadugang sa ka-bug-at sa pagtuon.

Sa iyang bahin, usa ka magtutudlo, si Ligaya Rabago-Visaya nga napatik sa The Freeman nagkanayon: “In my almost four decades of teaching in basic education and college levels, I believe in the importance of giving homework or assignments to students.”

So, alang kang Ligaya nga nagtudlo sulod na sa 40 ka tuig, sa iyang nasinati, kinahanglanon gyud kaayo ang homework.

Sa among panahon, inay nga magsuroysuroy tapus sa klase, mag-homework mi, mag-review sa leksyon nga gitudlo during the day. Hinuon, wala pa may celphone sa among panahon. Wala pay shabu, wala pay computer ug Internet, wala pay riding-in-tandem nga pagpatay, wala pay hapit-na-lang maghubo nga sayaw-sayaw sa telebisyon,  wala pa i-encourage ang paggamit sa condom, ug  wala pay pre-marital sex. 

Busa, walay lingaw sama sa lingaw karon. Walay laing choice but to concentrate sa pagtuon, ug pag-homework. Ug wa ko magmahay ngano nga wala kining maong mga lingaw sa among panahon. Looking back I did not miss any of these. After all, naka-enjoy na man ko in some of these.

Padayon ni Ligaya: “Looking at the relevance of giving assignments, spoonfeeding is profoundly not prescribed with regards to teaching students. It ruins their learning capacities, consequently making the whole point of education futile.

“Schools are the places where an educator clears up ideas and asks that the students have to learn also in their homes on their own. So, ang learning process dili kay kaakohan lamang sa mga tunghaan ug sa mga magtutudlo, kundili, obligasyon usab kini sa mga panimalay, sa mga ginikanan.

Ang principal na karon miingon ngano nga gikinahanglan kini sa mga estudyante, matud ni Ligaya: “is to expand the learning capacities of our students so they can think critically, and develop more.” Correct.

Tan-aw nako, kining sugyot pag-ban sa Homework, makapabugo kini sa atong mga estudyante, makahatag kini’g sayon ug convenient kaayo nga higayon paglulinghayaw, ilabina karong panahona nga daghan na kaayong mga lingaw ug mga pagpalabay sa panahon.

Kinahanglan maugmad ang mga practical skills sa atong mga estudyante. Pananglitan sa mga subjects sama sa Mathematics, Physics, Chemistry, ug ubang comparable science subjects, matud ni Ligaya, “requires practice continually. The more they practice the better they become. Different assignments one after another improve students’ time management skills. They figure out how to deal with the timetable just as how to prioritize tasks.”

So, sa laktud, disiplina. Mao kini karon ang medyo nawala na sa atong mga estudyante. Kay kon silay pabut-on, gusto lang ni sila magpahayahay. 

Unsa man, ato lang patuyangan sa ilang gusto ang ato karong mga estudyante nga wagtangon na ang Homework?