Nilayas tanan!

CEBU, Philippines —  Nag-exodus o nagdungan og resign sa Tape Inc., ang tanan nga host ug production staff sa Eat Bulaga niadtong Huwebes. Nahitabo kini usa ka adlaw human nanamilit ang TVJ, o sila si Tito, Vic, ug Joey sa maong show nga 44 ka tuig nila nga gidumala isip main hosts.

Lakip sa ni-resign sila si Jose Manalo, Wally Bayola, Paolo Ballesteros, Ryan Agoncillo, Ryzza Mae Dizon, Allan K, Pauleen Luna, ug Maine Mendoza.

Dungan niini, niadtong Huwebes sab, nipagawas og pamahayag ang TAPE Inc. nga nasubo sila sa nahitabo apan magpadayon gihapon ang maong show. Buot ipasabot, aduna nay mga bag-ong personalidad nga modumala sa maong noontime show,

Tipik sa pamahayag sa Tape Inc. nagkanayon: "Abangan ninyo ang mga bagong magpapasaya at magpapatibok ng ating mga puso. Aasahan niyo ang mas masaya, mas nakakaaliw, at HIGIT PA SA ISANG LIBO'T ISANG TUWA na Eat Bulaga."

"Patuloy ang Dabarkads na magliligkod para sa inyo, mga Kapuso MULA APARRI HANGGANG JOLO AT SA BUONG PILIPINAS.” "Ang pag-alis ng mga hosts ay hindi dahilan para tumigil ang pag-ikot ng mundo.”

Hipon Girl for Grand

Lakip gyud sa nilugwa sa final screening sa Miss Grand Philippines si Bb. Pilipinas 2022, second runner-up Herlene Nicole Budol o Hipon Girl. Nanghinaot siya nga unta suportahan gihapon siya sa iyang fans, ug paningkamotan gyud niya nga maangkon ang korona.

Deretso everybody Sing

Mobalik na sugod karong 7pm ang show ni Vice Ganda nga Everybody Sing nga mas gipadak-an na ang premyo ngadto na sa P2 million. Aduna na sab silay celebrity guests kada episode. Ug mokabat na ngadto sa 100 ka mga tawo ang magtinabangay aron makuha ang premyo. Ang Everybody Sing isalida matag Sabado ug Domingo, ug makita sa Kapamilya Channel, Kapamilya Online Live, A2Z, ug TV5. Anaa sab kini sa iWantTFC ug TFC.

Taas og respeto

Gipadayag ni Anne Curtis nga saludo gyud sila sa Eat Bulaga ug mao gyud kini ang ilang idolo. Ang It's Showtime host nga nahinabi atol sa usa ka Unicef event nagkanayon nga ang Eat Bulaga gyud maoy ilang sukdanan sa ila sab nga mga paningkamot alang sa ikanindot sa ilaha sab nga show.

Hilabtanon!

Gitubag ni Xyriel Manabat ang usa ka netizen nga nangutana kabahin sa iyang uyab. Una niini, gidisplay ni Xyriel ang dagway sa iyang hinigugma dungan sa pag-ingon nga mao gyud kini iyang bestfriend ug mounong gyud niya ilabi na kun ma stress siya. Niadtong tungora, padung sila nga mutungas sa Baguio--kalit kalit nila nga plano. Dinhi sa maong post may nangutana:"Bat yan?" Tubag pud ni Xyriel: "Bat ka nangingialam?" Daw pasabot sa netizen mao nga dili sila bagay ni Xyriel. Apan may niingon sab nga cutie ang boyfriend sa aktres, lakas og appeal.

Wow, Sunshine!

Nahugyaw ang netizens sa swimsuit photos ni Sunshine Cruz niining bag-o lang. Kini kay gawas nga angayan kaayo ang aktres niini, nagkantidad ra diay kini og P50.

Lakip sa reaksyon nagkanayon nga namahalon gyud ang swimsuit tan-awon nga gisul-ob na ni Shine.

Basi sa iyang post, nagbonding sila sa iyang igsuon nga si Maria Theresa sa dayon niining balik sa France.

 Wala idetalye ni Shine nganong tag P50 ra ang iyang swimsuit.