Bata paman gyud

Wala magdali si Sofia Pablo sa iyang career sa showbiz, hinungdan nga okay ra siya kun pa cute iyang karakter sa Open 24/7. Seventeen years old paman sab gyud siya, ug niya pa, buot una niyang mag-enjoy sa iyang pagka batan-on kay dili na matud pa kini mahibalik pa. Idol sab niya si Barbie Forteza nga bata gihapon tan-awon busa daghan pang roles ang mahimong dad-on.

Hayahay kaayo

Suod sila si Maja Salvador ug Pauleen Luna. Idugang pa nga dul-an duha ka mga tuig sila nga nagkauban ni Maja sa Eat Bulaga. Hinungdan nga suma pa ni Vic Sotto, maayo na kaayo ang panagtrabaho nila ni Maja sa umaabot nga sitcom, Open 24/7 nga isalida sa GMA7. Ug sa labing unang higayon, dili daddy ang iyang role sa usa ka show, kundili siya maoy bossing sa convenience store nga gipanag-iya nila sa iyang igsuon nga si Spark (Jose Manalo).

Yda,balik pa sexy

Nagbalik showbiz ang kanhi sexy star nga si Yda Manzano. Kini pinaagi sa four-part original series sa Vivamax nga Sex Hub diin bida sila si Salome Salve ug Micaella Raz. Usa si Yda sa mga nisulbong niadtong 90s kauban sila si Jackie Diaz, Inez Veneracion ug Hazel Espinoza. Magna cum laude siya gikan sa usa ka sikat nga university dinhi sa Sugbo ug nadiscover siya sa iyang manager nga si Lito de Guzman human siya nisalmot og Mutya ng Pilipinas kaniadto. Ubay-ubay sab siya og gibituonan nga mga pelikula hangtud nga naminyo siya. Apan nagbulag sila sa iyang bana, hinungdan nga nibalik siya sa showbiz sanglit single parent man siya. Daghan gyud siya og sexy scenes niining maong series, diin g-string ra matud pa iyang gisul-ob sa iyang mga eksena.

Si Joshua ang swerte

Dakong ilusyon matud pa ang pasiatab nga swerte ang GMA7 nga nihimo og proyekto sa network ang kapamilya star nga si Joshua Garcia. Suma sa beteranang kolumnista nga si Lolit Solis, si Joshua maoy swerte kay mahimo siyang kabahin sa usa ka network nga adunay franchise. Oa niya pa ang giingon nga si Joshua maoy magdalag swerte sa GMA7 kay ni Lolit pa, adunay daghang artista sa kapuso nga ka level ra sa kapamilya star busa madayon gihapon ang project bisan og wala kini. Nasayran nga lakip si Joshua sa collaboration project sa GMA7, ABS-CBN ug Viu nga mao ang Unbreak My Heart, kauban sab sila si Richard Yap, Gabbi Garcia ug Jodi Sta. Maria.

Pagresearch mo uy!

Gidepensahan ni Cristy Fermin si Sylvia Sanchez batok sa mga bashers niini nga nipasangil nga kwarta ni Maine Mendoza ang gigamit sa beteranang aktres pagproduce og mga pelikula. Ang tsika pa, gigamit ni Sanchez si Maine aron mosikat ug mokisaw pagbalik ang ngan niini. Apan matud ni Cristy, "Bakit po siya makiki-angkas kay Maine Mendoza na 2015 lang nang ipanganak sa AlDub, kay Alden Richards na magkasama. Si Sylvia Sanchez po ay napakatagal na panahon na kinikilalang napakagaling na aktres. Hindi niya kailangang gamitin ang kanyang mamanugangin para lang siya ay magkaroon ng publisidad." Kabahin sa kwarta, tambag ni Cristy nga mas maayong mag-research una ang bashers unsa ka dato ang pamilya Atayde sukad pa kaniadto.

SERVVV

"It's time to SERVVV", maoy caption ni Catriona Gray niining maong mga hulagway nila ni Nicole Cordovez isip mga hosts sa Bb. Pilipinas karong gabii sa Araneta Coliseum. Sa IG, giasoy ni 2018 Miss Universe nga nalingaw kaayo sila sa paghimo nila niining maong photo shoot.

Gawas kang Catriona ug Nicole, host sab si kanhi Bb. Pilipinas-Universe ug kanhi dabarkads MJ Lastimosa.

Reunited

"Reunited with Bohol and free diving," ang tipik sa caption ni Miss Philippines Supranational Pauline Amelinckx niining mga hulagway nga iyang gi-upload sa iyang social media accounts. Nag-awas gyud matud pa ang iyang kalipay nga nahibalik na siya sa iyang yutang natawhan ug nabuhat ang iyang gikamingawan.