P37.7 milyong halaga ng gc naibigay sa mga bakunadong senior citizen sa Makati
MANILA, Philippines — Umabot na sa P37.7 milyong halaga ng gift checks ang naipamahagi ng pamahalaang lungsod ng Makati sa mga senior citizen nilang bakunado na laban sa COVID-19.
Sinabi ni Mayor Abby Binay na 37,743 mga bakunadong senior citizen ng kanilang lungsod ang nabigyan ng tig-P1,000 gift certificate bilang bahagi ng kampanya nila para mapalakas pang lalo ang ‘vaccination program’ ng lokal na pamahalaan.
Sa datos mula sa Department of Health (DOH), nabakunahan sa Makati ang 105% ng kanilang target sa priority group A2 o senior citizens.
“Senior citizens are among the most at-risk groups for severe cases of COVID-19. It is comforting to know that they now have the full protection of the vaccine, and can enjoy the holidays with less worries,” saad pa ni Binay.
Hinikayat rin niya ang mga senior citizen sa siyudad na bakunado, na kumuha na ng kanilang booster shots makaraang 9,774 na nakatatanda pa lamang sa Makati ang nagpapaturok nito.
- Latest
