Curfew sa Metro Manila, 10PM to 5AM na

MANILA, Philippines — Simula kahapon (September 1, 2020) ay ipatutupad na ang adjusted curfew hours sa Metro Manila.

Ayon kay Presidential Spokesperson Harry Roque mula sa 8PM to 5AM na curfew ay gagawin nang 10PM to 5AM ang ipatutupad na curfew sa Metro Manila.

Ang nasabing oras ng curfew ay ipatutupad ng mga lokal na pamahalaan sa buong Metro Manila maliban lamang sa Muntinlupa City at sa Navotas City.

Ayon kay Roque, nagpasa ng ordinansa sa Muntinlupa na nagpapairal ng curfew hours mula 10PM to 4AM.Habang 8PM to 5AM pa rin ang curfew sa Navotas City.