COVID-19 update: Aktibong kaso sa COVID-19 sa CV miabot na og 5,565

CEBU, Philippines — Anaa na sa 9, 309 ang kinatibuk-ang kaso sa coronavirus disease (COVID-19) lukop Central Visayas base sa resulta sa swab testing niadtong Hulyo 2 sumala sa Department of Health.

Kini human nga  adunay nadugang nga 261 ka bag-ong kaso ang natala nianang adlawa gikan sa 1, 055 ka swab laboratory results nga nigawas.

Hinuon, sumala sa DOH-7 anaa sa 3, 227 na ang naka-recover samtang 324 ang namatay.

Ang active cases anaa sa 5, 565 diin 2, 426 niini ang na-admit ug 3,332 ang anaa pa sa isolation centers.

Cebu City

Dunay dugang 88 ka mga bag-ong kompirmadong kaso sa novel coronavirus disease sa Dakbayan sa Sugbo nga kabahin sa batch nga gipangkuhaan og swabs niadtong Hunyo 29 hangtud sa Hulyo 1 nga kagahapong adlawa lang nigawas ang resulta sumala pa sa Cebu City Health Department.

Ang bag-ong mga kaso gikan sa Apas 6, Basak San Nicolas 2, Binaliw 1, Barangay Luz 2, Bulacao 1, Busay 1, Calamba 1, Camputhaw 2, Capitol Site 2, Day-as 4, Duljo Fatima 1, Ermita 1, Guadalupe 8, Hipodromo 1, Inayawan 8, Kalunasan 2, ug Kasambagan 2.

Duna say kaso sa Kinasang-an 2, Labangon 8, Lahug 2,  Mabolo 5, Pahina Central 2, Pardo 5, Punta Princesa 1, Quiot 1, Sambag-1 3, San Nicolas Proper 7, Sapangdaku 1, T. Padilla 3, Talamban 1, Tisa 1 ug 1 unverfied.

Niabot sab sa 18 ang namatay sa maong sakit gikan sa Bacayan 1, Barangay Luz 2, Calamba 1, Capitol 1, Duljo Fatima 1, Guadalupe 2, Inayawan 1, Kasambagan 1, Mambaling 1, Sambag-2 2, San Nicolas Proper 1, Sapangdaku 1,  Sta. Cruz 1, T. Padilla 1, ug Tejero 1.

Moabot sab og 61 ang naka-recover sa COVID-19 nga gikan sa Apas 13, Basak Pardo 4, Day-as 1, Guadalupe 7, Inayawan 2, Labangon 1, Mambaling 2, Sambag-2 1, San Nicolas Proper 1, Suba 1, Tisa 3, ug Tisa 25.

Sa kinatibuk-an ang Cebu City aduna nay 5,824 total confirmed cases diin 2,567 ang total active cases ug 3,046 niini total recoveries ug 211 ang patay.

Talisay City

Ang Dakbayan sa Talisay nakatala sa labing unang higayon nakatala og 35 ka mga bag-ong kaso sa COVID-19 nga maoy pinakadaghan sud lang sa usa ka adlaw ug kini natala niadtong Hulyo 2 ning tuiga.

Apan gipasabot sa kagamhanan nga resulta kini sa ilang agresibong pagpahigayon sa contact tracing sa tanang mga nagpositibo sa virus ug case finding sa tanang adunay gipamati sama sa Influenza Like Illness (ILI). Ang mga bag-ong kaso gikan sa mga Barangays Poblacion, Dumlog, Cansojong, Mohon, Tabunok, Linao, Lawaan I, Lawaan II, Lawaan III, Maghaway ug Mohon.

Sa pagkakaron, 337 na ka kaso ang natala sa Talisay apan ang aktibo niini naa lang sa 114. Hinuon ang tanan nga nagpositibo gibutang na sa isolation centers ug gihatagan sa ilang gikinahanglan. Decemay Padilla, Gabriel Bonjoc/IBM (BANATNEWS)