CCI-Initiatives ilusad sa Dakbayan sa Sugbo
CEBU, Philippines — Ang Cebu Covid-19 Citizens Initiative nga pundok sa mga sakop sa medical, academe, business leaders naghiusa alang sa pakigbatok sa covid-19.
Gikatakdang karong adlawa ang paglusad sa CCC-Initiatives diha sa Dakbayan sa Sugbo kinsa si Cebu Archbishop Jose Palma ang moapil sa maong kalihukan nga mabati sa 20 ka radio stations sa dakbayan.
Gawas kang Palma adunay mga medical practitioner ang mopagawas sa ilang mga mensahe kalabotan sa pakigbatok sa covid-19.
Ug lakip usab sa mga mopaambit sa ilang mensahe ang mga covid-19 survivor.
Ang CCC-Initiatives nagkanayon nga panahon na karon nga maghiusa ang mga Sugbuanon ug dili nalang magbinasulay.
Ug kinahanglang motuman usab sa mga protocol ilabi na nga daghan na kaayo ang apektado sa covid-19.
Ang grupo nanawagan usab sa mga Sugboanon nga dili ibalewala ang krisis tungod sa pandemic.
“We are in a war. Let us all rise and fight. Our lives and those of our loved ones depend on how we battle this unseen force. This is our fight. The best way to fight is for us to stay home. We need to sacrifice in unison, in the spirit of cooperation. We can do what people power truly is. Hand in hand, let us get through this predicament together”, tipik sa mensahe sa CCI-Initiatives. /BDB (BANATNEWS)
- Latest
