Sa Piling ng Kalapati (83)
“HINDI ka na maiinip habang naririto sa condo, Mommy. May paglilibangan ka na,” sabi ni Ruth. “Maari ka nang mag-FB o mag-games.’’
“Baka ma-addict ako sa FB.’’
“Okey lang ma-addict sa FB huwag lang sa SHB.’’
“Anong SHB?’’
“Short for shabu.’’
“Ha-ha-ha! Sira ka talaga Ruth.’’
“Pagkatapos mong magluto at maglaba, painternet-internet ka na lang, Mommy.’’
“Sarap naman ng buhay ko. Akalain ko bang ganito ang magiging buhay ko. Ni sa panaginip, hindi ko inaasahang mangyayari ito.’’
“Kapag nainip ka pa o nagsawa sa internet, pasyal ka sa mall. Malapit lang naman dito. Para maiba-iba naman.’’
“A gusto ko, paglalabas o mamamasyal, kasama ka. Hindi ako sanay na hindi ka kasama.’’
“Sige. Kung ‘yan ang gusto mo. Concern lang naman ako na baka naiinip ka.’’
“Hindi. Isa pa, hindi naman ako mahilig lumabas. Mas gusto ko pa nga rito sa condo.’’
“Okey. Pero gusto mo abroad uli tayo?’’
“’Yan ang gusto ko. Saan naman tayo?’’
“Hong Kong naman tayo, Mommy.’’
“Okey.’’
WALA na yatang mahihiling pa si Mommy Donna. Ibinigay na sa kanya lahat ni Ruth ang mga gusto niya.
Kapag nag-iinternet, ang anak-anakan ang nasa isip niya. Suwerte talaga niya. Kung hindi kay Ruth hindi niya mararanasan ang ganitong buhay. Sana, wala nang katapusan ang kasiyahang nararanasan niya. Walang tigil ang pasasalamat niya sa anak-anakan.
(Itutuloy)
- Latest