Adamson ginitla ang La Salle

MANILA, Philippines — Ipinoste ng Adamson University ang pinaka­ma­­laking upset sa season matapos talunin ang nag­de­depensang De La Salle University,  25-18, 15-25, 25-19, 25-22, sa elimi­nas­yon ng UAAP Season 80 volleyball tour­nament kahapon sa Fil-Oil Flying V Center sa San Juan.

Nagsilbing inspiras­yon para sa Lady Falcons ang kanilang came-from-behind win sa third set para bumalikwas mula sa 5-9 pagkakahuli sa fourth set.

Sa unang laro, itinala ng Far Eastern Un­iversity ang una nilang back-to-back wins nang pataubin ang University of the East, 25-20, 25-17, 24-26, 25-22.

Sa kanilang panalo ay umakyat ang Lady Ta­­maraws sa 3-2 marka, habang nanatili namang walang panalo ang Lady Warriors sa anim na laro.

Namuno si Bernadeth Pons para sa FEU mula sa kanyang 21 points

Sa men’s division, na­­panatili ng Ta­maraws ang kanilang ma­li­nis na mar­ka matapos ta­lunin ang Red Warriors, 25-15, 25-16, 25-22.

Umangat naman ang La Salle Spikers sa 3-3 ba­raha nang daigin ang Adamson Falcons, 25-20, 25-15, 24-26, 25-23. FMLumba

Related video