Baha sa Siberia nagyelo!

Grabe na ‘to! Isang bayan sa Siberia ang nalubog sa baha na nanigas dahil sa sobrang lamig ng panahon.

Nagulat na nga lang ang mga residente ng Dudinka sa central Siberia nang paggising nila isang umaga ay nanigas ang baha sa kalsada na abot hanggang baywang. Dahil sa malakas na bagyo, nasira ang ilang linya ng kanilang tubig at sumabog na nagdulot ng pagbaha na umabot hanggang baywang. Pero ang mas nakagugulat ay nang manigas ito sa sobrang lamig dahil pumalo sa -40 degrees Celcius ang temperatura.

Dahil sa nangyaring ito ay idineklarang nasa state of emergency ang lugar at kahit na nawalan sila ng suplay ng tubig ay mabilis naman ang kanilang internet connection kaya mabilis na nag-viral ang mga kuhang larawan ng netizens. Agad namang natulungan ang mga tao na maalis ang mga makakapal na tipak ng yelo.