DILG: Higit 15K qualified PDLs, pinalaya
MANILA, Philippines — Inihayag ni Department of the Interior and Local Government (DILG) Secretary Eduardo Año na napalaya ang nasa 15,000 persons deprived of liberty (PDLs) sa pasilidad ng Bureau of Jail Management and Penology sa gitna ng coronavirus disease o COVID-19 pandemic mula March 17 hanggang June 22.
“Ang paglaya ng libu-libong PDLs ay patunay na hindi sila nakakaligtaan at hindi pinapabayaan. Patunay rin itong gumagana ang justice system sa bansa kahit pa man may pandemya,” paliwanag ni Año.
“Kahit pa maraming responsibilidad ang ipinagkakatiwala sa DILG ngayong COVID-19 crisis ay hindi isinasantabi ng Kagawaran at ng BJMP ang PDLs. Tinitiyak namin ang kapakanan at kaligtasan nila,” dagdag pa nito.
Sa napalayang 15,322 PDLs. 5,910 ang mula sa National Capital Region; 1,557 sa CALABARZON; 1,487 sa Central Visayas; 1,041 sa Central Luzon; 897 sa Zamboanga Peninsula; 762 sa Northern Mindanao; at ilan pa sa ibang bahagi ng bansa.
Karamihan aniya sa napalaya ay matatanda na o yung may mga magagaan at bailable offenses.
- Latest
