Barangay hall sa Pasig ipinasara
1 Baragay official positibo sa COVID
MANILA, Philippines — Isang barangay hall sa Pasig City ang pansamantalang ipinasara ng lokal na pamahalaan matapos umanong magpositibo sa coronavirus disease 2019 (COVID-19) ang isang barangay official dito.
Kinumpirma ni Pasig City Mayor Vico Sotto ang pansamantalang pagsasara ng barangay hall ng Barangay Sto. Tomas, sa isang Facebook post dakong alas-10:00 ng gabi nitong Martes, Hunyo 2.
Ayon kay Sotto, magsi-self-quarantine na rin ang iba pang opisyal ng barangay, gayundin ang mga empleyado nito. Isasailalim din aniya sa COVID tests ang lahat ng nakasalamuha ng barangay official na nagpositibo sa sakit.
“May isang barangay official na nag-positive sa Covid-19,” ani Sotto. “Dahil dito, pansamantala munang pinasara ang Barangay Hall ng Sto. Tomas para makapag-quarantine ang mga opisyales at empleyado ng barangay,” anang alkalde.Ngunit hindi tinukoy kung gaano katagal ang pagsasara.
“Ipapa-PCR test din natin ang lahat ng mga “close contacts” nung nag-positive. (Higit pa ito sa DOH protocol, pero gusto nating makasiguro),” dagdag pa ni Sotto.
- Latest