644 Pinoy mula Kuwait, napauwi na
MANILA, Philippines — Nasa kabuuang 644 overseas Filipino workers (OFWs) ang napauwi na ng bansa mula Kuwait simula noong Mayo.
Inihayag kahapon ni Department of Migrant Workers Undersecretary Hans Cacdac, hindi naman niya makumpirma ang ulat tungkol sa 302 Filipino na ipina-deport ng Kuwaiti government kamakailan.
“We can’t confirm that information but between May and June, we have 644 repatriated, distressed OFWs from Kuwait. We still have 2 more flights arriving till June 8,” ani Cacdac.
Aniya, kabilang sa mga napauwing manggagawa ay mga “distressed workers with labor cases, those with problems with employers and some who were overstaying their visas or had decided to stay without work permits.”
Sinabi pa ni Cacdac na ang mga OFW na ito ay inendorso sa Kuwaiti Ministry of the Interior at immigration department matapos maiproseso.
Iginiit ni Cacdac na hindi takas ang mga Pilipino na nananatili sa mga shelters ngunit mga “distressed workers”.
Ipinaliwanag na nila ito sa Kuwaiti government na lugar para ligtas na manatili ang mga Pinoy habang pinoproseso ang pagbabalik nila ng Pilipinas.
Nitong umpisa ng taon ay itinigil ng Pilipinas ang pagpapadala ng mga domestic workers sa Kuwait makaraang matagpuan ang labi ng 35-anyos na OFW na si Jullebee Ranara, sa disyerto na pinaslang ng 17-taong gulang niyang amo na inaresto ng mga otoridad.
Dito nagkaroon ng tensyon sa dalawang bansa, nang gumanti ang Kuwait ng suspensyon ng lahat ng visa ng mga Pilipino na nasa kanilang teritoryo.
- Latest
