Guardo miklaro nga dili niya negosyo ang steam inhalation kits

CEBU, Philippines — Nagduda si Konsehal Jerry Guardo nga dunay bulok politika ang isyu nga migawas kabahin sa iyang gi-promote nga steam inhalation kon pagtuob aron makalikay sa coronavirus disease.

Giklaro ni Guardo nga miagi sa konseho sa siyudad ang iyang sugyot  diin kauban niya niini si Konsehal Nestor Archival ug sa una niyang pagpresentar wa dayon maaprobahi tungod sa pipila ka mga  revision kun mga kausaban.

Subling gihimakak ni Guardo ang tahu nga iyang gibaligya ang mga steam inhalation kits nga giapod-apod diha sa mga barangay isolation center, agig pagmatuod niini nangayo siya og records sa allocation ug distribution ug pila kabuok ang gihatag sa usa ka barangay isolation center.

Nasayran nga kada pasyente ang hatagan og steam inhalation kit aron dili magpuli-puli og gamit aron malikayan ang contamination. “Naa gyud kaayo, detailed kaayo kanus-a gipang-release unya pila kabuok kit ang gihatag in a one particular Barangay Isolation Center kay magdepende man sa number of patients like for example Barangay Alaska Mambaling at that time there were about mga 300 confirmed positive patients admitted sa BIC so mao na 300 sad ka kits ang ilang gipanghatag didto, sa Barangay Bacayan 41, at that time 41 ka kits ang gipanghatag, gi-check sad didto sad sa Tejero there were 40, Carreta, City Central nanghatag sad, sa Guadalupe so naa gyud klaro ang breakdown pila ka kit ang gipanghatag kada Barangay Isolation Center”, suma pa ni Guardo .

Mihatag usab og katin-awan ang konsehal kun nganong niabot ug 2,500 ang kantidad sa maong mga inhalation kits.  “Duha man gud ni atong gikuan nila katong steam inhalation ug steam bath, katong steam bath mao tong tibuok lawas ilang tuoban, so ang body cover ang atong kuan nakit-an nato ang BIC wala may mga lingkuranan so we provided them katong monobloc chair, katong naa sila’y kasandigan ug katong monobloc ato ibutang ang kettle sa ilawom, unya atong gipanghatag nga kettle these are not ordinary kettle, these are electric kettle para continue ang boil niya, provided sad nato sila sa planggana, tuwalya face towel, kana siya unom na ka set dili lang unom ka items, beside ang kana siya nga procurement is already the job sa BAC wala nami labot ana diri sa city council ang amua lang  to pass resolutions and endorse sa executive department”, matod ni Konsehal Guardo.

Gidugang ni Guardo nga wala usab siya mosulti nga tambal sa covid-19 ang pagtuob kun dili usa lang kini ka pamaagi sa prevention sa covid 19. Kini ilabi na niadtong mga tawo nga way ikasarang sa pagpatambal sa mga ospital. /MEL (BANATNEWS)