‘Manok na Pula’
Marami-rami na rin akong naisulat
Tungkol sa “MANOK” na sa akin ay gumulat
At isang munting himala ko tinanggap
Nang five years ago sa Holy Land ay naganap!
Kung ano man ang dahilan at nagpakita
Isang tila hugis manok na kulay pula,
Sa ganang akin ay hindi na mahalaga
Kung hindi ang sa ati’y pagpapaalala!
Ang paliwanag na tangi kong niyayakap —
Mga pulang mantsa ay tanda ng naganap
Na pagdurugo dahil sa mga tinanggap
Na hagupit at iba pang pagpapahirap!
Ang manok ay waring isa ring paalala
Na nangyaring pagtilaok isang umaga
Sa tuwing si Pedro ay kinakaila ba
At sinasabing hindi S’ya nakikilala!
Isa lang kaugnayan ang aking nahanap
Kung bakit pulang manok nakita’t pinalad!
Nung “Jesus Christ Superstar” sa TV ginanap
Noong Dekada Sitenta ay MAY TINAMAD!
Bayaan n’yo Ang Poet N’yo mag-explain kasi —
Sa kauna-unahan naming show sa TV
At hindi pa nga kami Tito, Vic & Joey,
Kasama pa namin Apo Hiking Society!
“Okay Lang” ang pangalan ng show at sa Trese!
Ang direktor pa namin ay si Rollie Grande!
Bata lahat at mapangahas kami syempre
Kaya “JC Superstar” tinira sa ere!
Ang siste ay ili-lipsynch ang buong plaka!
Kaya mga papel ay nagkapilian na!
Jim Paredes ang Hesus … mukhang mabait sya…
Si Danny Javier ang Hudas lalayo pa ba?!
Ang ibig kong sabihin na noon kumbaga,
Sanay na sanay na sila sa isa’t isa!
Whew! Basta mga main characters sila muna!
Pilato si Boboy Garovillo nga pala!
At noong panahong ‘yon sa naaalala,
Naloloko sa poker ang buong barkada!
Pati Executive Producer … si Bong Serra!
Pwera kay Direk at Jim … lahat may baraha!
We’re not sure kung si Paredes dinibdib role nya!
Basta halos lahat pumipinta sa mesa!
Pag rehearsals pa nga ay ayaw maabala!
Hanggang ngayon kay Boboy ako’y may utang pa!
Akalain nyong yung sabit ko FIFTY YEARS na!
Ngek! Kung ibinangko malaki na kinita!
Five Hundred Pesos yun at noong Seventies pa!
Don’t worry Boobs at mababayaran din kita!
Teka’t sa kwento ko tayo ay nawala na,
Si Ricky Manalo nag-Herodes nga pala!
Si Cathy Earnshaw pumapel na Magdalena
At ang Tito, Vic & Joey roles ay eto na …
Our Senate president now ay High Priest noon sya!
Siya si Caiaphas at high na high talaga!
High and wide … mataas at malapad kwelyo nya
Nang bibig at pagli-lipsynch hindi makita!
Pa’no nga hindi nagre-rehearse yung dalawa!
Korek, si Pareng Vic yung utol nya ginaya!
Sya naman si Annas at High Priest din papel nya!
At ako? He, he, he … kayo na ang humusga!
Kung ako’y mas malala kaysa sa dalawa …
And this is it … my KONEK sa manok na pula —
You’re right, the role of PETER ang aking kinuha!
Sa buong play, “NO, NOT ME!” Yun lang aking linya!
Nagpakita sa akin ang manok na pula!
That’s my reward for doing Saint Peter’s persona!
Short man ang role, long naman ang aking memorya,
Dahil yung RED ROOSTER ay TANDANG… tanda ko pa!
- Latest
- Trending
