‘Never judge a potato by its skin. One day, it will be french fries.’ — Menggay, Ang Poet Nyo, Allan K. and Jose on the set of Bawal Judgmental in Eat Bulaga.
‘Bawal Judgmental!’
ME, STARZAN - Joey de Leon (The Philippine Star) - January 19, 2020 - 12:00am

Sa apat na dekada na ng Eat Bulaga,

At sa dinami-rami na rin ng nagawa

Na mga ‘di malilimutang pampatuwa,

May isang mga manunood dinakila!

Paghanga ng marami hindi makaila,

Lahat kasangkot, ikaw at iyong kapuwa!

Malalim na kaalaman ang mapapala,

Pagkatapos ng palabas … ngiti’t luha!

Pinag-uusapan ay wala na ngang iba

Kundi “Bawal Judgmental” ng aming programa!

Lahat yata ng paksa’y napag-usapan na —

Mula sa maliit hanggang makontrobersya!

Tungkol kasariang nagkagulo-gulo na!

Mula sa mga lalaki na nagpapalda!

Mga maglaladlad o mag-out na una!

LGBTQA plus at iba pang letra!

Maging sensitibong AIDS ay tinalakay na

At mga biktima humarap sa kamera!

Matapang na pinag-usapan sa programa

Ngunit sa wari namin mas matapang sila!

Kung Tatagalugin “Bawal Judgmental” kaya,

Ano pagsasamahin mong mga salita?

Para sa akin, Wag Husgahin ang nagawa

At ang “hin” ay pinanggaling ko sa hinala!

Kung kaya … wag manghusga gamit ang hinala!

May magsasabi dyang mali at may oo nga!

Ngunit wag ding kalimutang tayo’y may laya

Na lumikha ng sarili nating salita!

Hanggang naririnig ang tao at may dila

At sinasabi ay mabibigyang-unawa,

Karapatang gumawa ng bagong salita

At ‘di mapipigilan ng iyong kapuwa!

Noon bang salitang “selfie” ay nalathala,

May umangal ba at pagtutol ay ginawa?

Sa “freedom of speech” kasama ri’t nagmumula

To create new words! Dapat bawal — yung madada!

Coined word sa Ingles tawag sa ganyang salita,

Two words or more pinagdudugtong pagkahiwa!

The word “kapit-bahay” ay isang halimbawa

At sa kalapit bahay ito nagmumula!

Yun namang “kabiyak ng puso” halimbawa,

Mga linyang ganito’y gawa ng makata!

Asawang tunay ito ngunit ang masagwa —

“The other wife” … kabiyakan lang tawag yata!

Ops, bago pa mga madirihin mandigma,

Kabiyakan ay kahati … kasalaula!

Uy, nagkapatong-patong na problemang salita!

Kasalo at kaulayaw … hmmm, tama na nga!

EAT BULAGA
Philstar
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with