‘Lipad, dine na, lipad!’
Halo-halong dahilan why we are traveling —
Op kors una na d’yan ang bakasyon at shopping!
Syempre ibang lugar nang makita’t marating
At ilang mahal sa buhay du’y kumustahin!
May isa pang dahilan sa aming gawain —
Yung kami’y magpalabas sa ibang lupain
Para sa nandung mga kababayan natin!
Isingit na shopping, eating at pagba-bonding!
But there are some trips na meron talagang main thing,
Madalas pa nga ‘tapos nun uwi agad din!
Pagkat yun lang tanging panahon na gagawin
At wala nang iba’t ‘di ubrang palampasin!
Eto yung kung ipagpapaliban ay dehins
Tulad nung sa London ay may papanoorin,
Alangan namang yung kakanta’y paghintayin
Eh Barbra Streisand lang naman yun mga darling!
Pero minsan meron ding mga disappointing!
Yun bang yung magpe-perform ay hindi dumating!
Ngek! Mahal na tiket at Japan pa gagawin!
Wala namang magawa kundi ang hintayin!
Makalipas ilang buwan ay natuloy rin!
Doon pa rin sa Japan ay muling nag-landing!
Si Paul McCartney kasi ang papanoorin
Kaya kahit ano’ng mangyari ay titiisin!
Okey lang yung iba kahit pa kanselahin
Pagkat Hong Kong at Macau lang ang liliparin
Kaya Rolling Stones, Beach Boys at Eagles win na win!
Naturalmente nag-fiesta rin sa slot machines!
With Lisa Revilla, the Pinay executive chef of The Dempsey Cookhouse and Bar
Ngunit kakaiba nitong September Sixteen,
Birthday ni Jocas na anak namin ni Eileen,
Flew to Singapore — gift na hiningi sa amin
Dahil may two restaurants na bibisitahin!
Ngek! Yun lang talaga’t we’re back September Eighteen!
Sa dalawang lugar kami lang ay kumain!
ODETTE at THE DEMPSEY kung inyong tatanungin
At talaga namang plato ay sisimutin!
May karapatan naman pala na dayuhin
At ako in truth ay LAMON ang style ng eating!
Hindi ko type yang mga fine dining-fine dining!
Pero nangyari: Boodle fight sa may Michelin!
At mula d’yan ay nagbago aking paningin,
Totoo nga palang sa pagkain may sining!
May palabas kumbaga ang sa bawat dating!
Sa bawat tikim may natutuklasang lihim!
Kung medyo “malalim” ay ipagpaumanhin,
Napakasarap lang talaga ang nakain!
Bayaan n’yo namang kayo ay pag-isipin
At limiin kung ako’y isang sinungaling!
- Latest
- Trending