‘Jeep Bulaga!’
Noong December 5 pagbabasbas ginawa
Sa bagong studio ng Dabarkads sa Cainta!
Patapos nang sasabihin na dito na nga
Tahanan ng Eat Bulaga hanggang magsawa!
Pansining “tahanan” ginamit kong salita
Sapagkat sa “bahay” higit itong dakila!
‘Yay ayon sa paring nung blessing nagsalita —
Father Jeff Quintela sa misa nangasiwa!
A house is not a home daw kung walang God! TAMA!
Kaya ‘di kami RED HOUSE kung inaakala!
Dahil PULANG-PULA gusali ng Bulaga!
Kami ay isang RED HOME … and your DAILY RED nga!
Nung una kong mapasok ako ay namangha
Sa ganda at laking hindi ko inakala!
‘Yun bang kahit pa piliting magpakumbaba,
Ang magmalaki hindi mo maitatatwa!
Sa mga nilalaman kayo’y matutuwa,
Lalo sa lingkod n’yong kulang na la’y maluha!
Sa ilang mga sulok ay mananariwa
Dinaanan namin na mga kabanata!
Bagong tahana’y pagpapala’t gantimpala
Sa APAT NA DEKADANG aming ipinunla!
Wari ko ba sa sinusulat ngayong paksa,
Kulang pa ang isang libo at isang tula!
Nang sa palapag ng mga writers gumala,
Saglit ba akong hindi nakapagsalita
Nang unti-unti’t halos ‘di ko nahalata —
TVJ… ang naglalakihan naming mukha!
At sa taong sa lahat ay nagpasimula —
Tony Tuviera, nagbunga iyong pakana!
Here’s something I wrote dahil sa sipag mo’t tyaga —
To the tune of the theme music of Eat Bulaga!
Mula sa Q.C. hanggang Cainta
’Yun na binyahe ng Eat Bulaga
Walang preno saya’t tuwa
Walang gusto na bumaba
Sa trip natin kahit ma-trapik pa
Mararating kahit sa’n ang punta
Sakay na po’t lalakad na
Ang jeep ninyo... Jeep Bulaga!
Sina Tito, Vic at Joey
Sweet drivers n’yo parati
Kayong lahat at libre sakay
Sa jeep na puno ng kulay!
Sa trip natin kahit ma-trapik pa
Mararating kahit sa’n ang punta
Sakay na po’t lalakad na
Ang jeep ninyo... Jeep Bulaga!
(CODA)
Sakay na po’t lalakad na
Ang jeep ninyo... Jeep Bulaga!
- Latest
- Trending