‘Assumption On Assumption’
Magbiro tungkol Bibliya ay ‘di maganda
Ngunit kung minsan dahil sa nalalaman mo ba
Tungkol sa nilalaman N’ya at nababasa,
May pagkakataong ikaw nakakatawa!
Tulad nung August 15 nang ako’y nagsimba
Dahil Assumption ng ating Inang Maria,
Nabanggit pa nga sa Gospel ang pinsan Niya
Na si Elizabeth nang sila ay magkita!
Ito’y nung pareho silang may dinadala
Sa kanilang sinapupunan kahit na ba
Itong si Elizabeth may katandaan na!
Isang himala na ngang maituturing s’ya!
Ako’y lumabas nang matapos na ang misa,
Naiwan si Eileen na nakaluhod pa,
Nang may lumapit sa aking isang nagsimba
At picture kami raw’y magpakuhang dalawa!
‘Tapos ng kodakan may isang lumapit pa,
“Is this the mass for Elizabeth?” ang tanong n’ya,
Ako’y nabigla at naisagot ko lang ba,
“I’m not sure…” and then ako’y medyo nag-ad lib na!
“Maybe additional prayers for Mary pa s’ya!”
Ngek! Kahit ‘di sure nagmarunong pa ang bida!
The lady just smiled at pahabol na tanong n’ya,
“Are you Joey de Leon?” ‘Yan sigurado pa!
Paglisan ng babae ay may tumawag pa
Sa aking pangalan at paglingo’y nakita
Si Bishop Raul matagal ko nang kilala,
Lumapit ako’t nagtanong tungkol kanina!
“Pag Feast of the Assumption ba’y dalawa misa?
For Mama Mary… at Elizabeth ‘yung isa?”
‘Tapos kinwento ko ‘yung nagtanong kanina,
Sa sagot ni Bishop nagmukha akong tanga!
Tinatanong nung babae kanina pala
Ayon kay Bishop na medyo na natatawa —
Mass for Elizabeth… isang parishioner s’ya,
She died last year at First Death Anniversary n’ya!
Ngek! Mabuti na lang at madilim-dilim na,
Dahil kung hindi pamumula’y kitang-kita!
‘Nobang malay ko’t ako napagtanungan pa?
At sa Gospel “Elizabeth” din ang binida!
At akalain n’yong ang yabang-yabang ko pa
Sapagkat nung sa Israel kami’y nagpunta,
Bahay ni Elizabeth aming binisita,
Akala ko lahat alam na alam ko na!
‘Yan isang klase pa ng “assumption” hindi ba?
At alam n’yo namang loob la’y nagmaganda!
Kaya next time may magtanong at hindi sure ka,
Smile and say, “MAGTANONG NA LANG KAYO SA IBA!”
But wait September Eight, sa Sabado nga pala,
Eto sure ako, si Mama Mary birthday N’ya!
At sure din kami ni Eileen ay magsisimba,
Basta sa Kanya mabilis sa matulin pa!
Pero ngayon sisiguraduhin ko muna
Na mabuo lahat at tapusin ang misa
Sapagkat ang leksyon ay natutunan ko na —
‘Di muna lalabas at baka matanong pa!
So “I find myself in trouble” sabi sa kanta,
Not because of Mother Mary and her cousin pa,
Some “words of wisdom” dapat pag-isipan muna,
“There will be an answer” not always true pala!
- Latest
- Trending