‘Genius Ako Grade One!’(G.A.G.O.)
Tila mga pagsasalitang nauuso
Nagsimula lang ba sa “HIR NA MI, WER NA U?”
Pero iwasan mong masabihan ka nito —
“I.G.M.G.” pagkat ‘yay I-Google Mo Gago!
Ngek! Medyo delikado na communication!
Ngunit kung tutuusin nangyari na ‘to nun,
Noong wala pang texting at wala pang cellphone,
Nang “1-4-3-4-4”… I LOVE YOU VERY MUCH ‘yon!
Paikli na nang paikli mga panahon
Sa pakikipag-usap at sa pagtatanong!
‘Cause if you have a question at naglalambing lang,
Baka “I.G.M.G.” ikaw pa’y masabihan!
Ngunit totoong maraming matututunan
Sa kagu-Google mo mga gustong malaman!
Sumikat nang pinag-join dating two words na ‘yan —
“SIGE TINGNAN” o “GO OGLE” pinanggalingan!
Actually, pagtingin na may konting… PAGTANGA!
Pero OGLE sa iba ay may PAGNANASA!
Whatever, basta ginagamit mga mata,
Sige, tingin hanggang magka-GOOGLE-LITI ka!
Salitang “GAGO” ‘di naman talaga BAD s’ya,
Nasulat na maaaring pinagmulan n’ya,
Nang magpunta sa “ENCIERRO” doon sa Pamplona,
‘Yun bang “Running of the Bulls” fiesta sa Espanya!
Dun ay nalaman kong may isang klaseng toro
Na napakabilis at medyo delikado!
Kumbaga palaging naghuhuramentado!
Ang lahing kung tawagin ay… CEBADA GAGO!
At malamang sa Pilipinas may nagdala
Ng balitang ‘yan at ayun at ginamit na
Sa isang taong tuliro’t medyo loko ba,
Sugod nang sugod walang takot sa espada!
Ganyan toro na Cebada Gago talaga!
Matigas nga ulo kahit pa may tama na!
Kung kaya ang “gago” rin ay tatanga-tanga!
OGLE nga rin pala sa Ingles ay GO GAGA!
Kaya lahat ng ‘yan pag pinagsama-sama,
Nagiging parang negatibo ang dating n’ya,
Subalit sa katunayan maharot lang s’ya,
Minsan ay natutulala at makulit ba!
Dahil sa Google laos na encyclopedia,
Marami na ring bookstores ang mga nagsara!
Sa mga libraries may pumapasok pa ba?
Kumusta na kaya ang benta sa Azcarraga?
Mabilis ang Google tulad ng Gagong toro!
At malamang ginu-Google n’yo na rin ito —
Ang tungkol sa torong aking ikinikwento,
Well, Genius Ako Grade One kaya trust me, GAGO!
- Latest
- Trending