Addiction sa Techonolgy May Epekto sa Brain

Ang technology ay hindi aksidenteng nilikha, ito ay reflection ng human will gaya ng Internet. Ang tanong ay kung sino ang may kontrol, ang machine o ang tao?

Sa research, halos 3.8 bilyong katao ang may access sa Internet. Dalawang bilyon ang active sa Facebook at user bawat buwan. Karaniwang sa adult ay mas gumagamit ng screen na mahigit na walong oras kaysa sa pagtulog. Pagkagising ay hawak na agad ang smartphone para i-check kanilang telepono. Bago duma­ting sa edad na 70 years old, halos ginugugol na ang 10 taon hanggang 15 years ng kanilang buhay sa panonood ng TV, at mahigit apat na taon para lang sa ads.

Ayon sa neuroscientist, nagbabago ang brain ng tao. Ang utak ay highly plastic at dynamic na madaling ma-adapt ang paligid. Pero ang environmental stimuli na galing sa screen ay permanenteng pang-distract sa brain. Maaaring kini-claim na malaki ang benepisyo ng screen culture na nagpapataas ng IQ, pero nawawalan ng simpatya at pang-unawa.  Gaya ng video game addiction na nagkakaroon ng impulse control disorder at psychological  na epekto. Ang mga adults at anak na sobra ang gamit sa Internet ay naapektuhan ang ilang bahagi ng brains. Sa isang kuha ng picture ng brain sa MRI ay nakitaang umuurong ang brain sa tagal ng oras sa pagharap sa screen na hindi healthy lalo na sa mga bata. Nadiskubre ng mga scientist na apekatado ang concentration, memory, nawawalan ng kakayahang magdesisyon o mag-set ng goals, at nagkakaroon ng bad behavior.  Maaaring maganda sa mental processing sa pag-scroll sa Internet, pero ang lahat ng information ay hindi puwedeng matawag na knowledge. Nababawasan din ang oras sa misis, anak, at buong pamilya dahil sa pagiging addict na sa technology na hawak.

Lahat nang sobra ay masama, hindi pa huli ang lahat para bitawan ang gadgets at balansehin ang oras sa pagbibigay pagpahalagahan sa kalusugan at mahal sa buhay.