Pang-alibyo sa almoranas (2)

Dunay daghang tambal sa almoranas nga baligya sa botika, apan kon nanagana ka sa mga sayd-epek niini, mas adunay abilidad ang natural nga pag-alibyo, sama sa mga mosunod.

* Apple Cider Vinegar — Makapahiyos kini sa namudlot nga almoranas, nga direkta lang ipahid kini sa apektadong parte, pinaagi nga ang gapas o ‘cotton ball’, ituslob sa ACV, unya ihunad nga patuhopon makadiyot ang palibot sa almoranas. Human sa pipila ka higayon sa adlaw, inanay mawala ang kasakit ug pangatol.

* Moinom kanunay og daghang tubig — Kon manguga ang panit, makasamot kini sa almoranas kay ang mga tisyu sa panit mag-uga sab nga dili malikayan nga makalot ang grabeng kakatol, dugangan sa panakit. Magbasa og tisyu nga dili gansangon o gasgason, itapal nga mabasa ang dapit sa almoranas, para mabugnawan ug mokalma ang pangatol. Pwede paslakan og ‘vitamin-E capsule’.

* Cold Compressed — Dunay baligya sa botika nga ‘compress bag’, sudlan kini’g tubig nga isulod sa ref, inigkabugnaw mao ni itapion sa almoranas, nga patadtauran nga mabugnawan gyud aron mohiyos, mokalma ang katol ug panakit.

* Tea Tree Oil —Nagbaton  kini og ‘anti-inflammatory’, nga makaalibyo sa almoranas. Sagola ang almond oil ug castor oil, unya patud-ig 1-2 ka tulo, kun drops, sa tea tree oil, inighuman, pagbasa’g binola nga gapas aron kini maoy ihunad kada adlaw hangtud mohiyos ug mawala ang almoranas.

Ihumol sa init-init nga tubig ang nagbudlot nga kibot, aron makarelaks ang naugtas nga ‘blood vessels’, makapamenos sa panakit sa nanghuboy nga almoranas. Ihumol kini sulod sa 20 minutos. Balika ni pipila ka higayon kada adlaw. Kanunay mogamit og tualya nga binasa sa init-init, itapal sa nangugang panit. Mahimo sab bugnaw nga tubig ang gamiton.