Intsik dinedo ng nakakotse
MANILA, Philippines - Hindi na umabot ng buhay sa ospital ang isang 24-anyos na Chinese national nang barilin ito habang naglalakad ng mga suspek na sakay ng kotse sa Makati City kahapon.
Ang nasawi dahil sa tama ng bala ng kalibre 45 baril ay kinilalang si Andy Bai, Information Technology (IT) engineer at residente ng 11G One Central, Brgy. Bel-Air.
Batay sa ulat, dakong alas-3:10 ng madaling araw ay naglalakad ang biktima kasama ang kaibigan na si Jason Tan, 25, sa L.P. Leviste St., Salcedo Village, Brgy. Bel-Air patungong carpark nang sumulpot ang isang kotse na lulan ang mga suspect at ang isa dito na armado ng baril at walang salitang binaril sa tiyan ang biktima.
Mabilis na tumakas ang mga suspek sakay ng isang kulay puting Sedan na may plakang NSO-950.
Dinala ni Tan ang biktima sa ospital, subalit namatay ito habang nilalapatan ng lunas.
Patuloy ang imbestigasyon ng pulisya sa motibo ng krimen at sino ang mga suspek.
- Latest