Kapolisan alerto sa bag-ong tuig
CEBU, Philippines - Sa pagsaulog sa Bag-ong Tuig, ang kapolisan sa Central Visayas ipakatap sa nagkadaiyang dapit sa Sugbo ilabi na sa mga dapit nga dunay mga nahitabo nga indiscriminate firing ug mga nabiktima sa pabuto.
Kini ang gitug-an ni Senior Supt. Rey Lyndon Lawas, deputy regional director for operations sa Police Regional Office-7.
Si Lawas niingon nga ang kamanduan gikan ni Police Director General Ronald “Bato” Dela Rosa human kini nipagawas og memorandum niadtong Martes.
Lakip sa mando gikan sa PNP chief nga tanang polis nga nagbakasyon mo-report sa labing duol nga police station sa ilang dapit.
“Based on the memorandum also, those who are on New Year’s break will be required to report to the nearest police station if asa siya nagbakasyon to perform his duty. Dili kinahanglan nga mobalik siya asa iyang unit,” matud ni Lawas.
Gawas sa mga polis sa mga headquarters ug mga police stations, lakip sa gitahasan sa pagbantay ang mga sakop sa Criminal Investigation and Detection Group ug mga sakop sa Highway Patrol Group nga mohimo sa police visibility.
Si Lawas nanawagan sab sa mga tawo nga likayan ang paggamit sa mga pabuto ingon man pagpabuto sa armas bisan og minus ra kaayo ang naghimo karong panahona. Awhag sa kapolisan nga mogamit na lang og torotot aron dili makasakit o madisgrasya.
“Let us use torotots na lang, it’s more economical and mas ma-enjoy pa ta,” pasabot pa sa opisyal.
Apil sab sa memorandum nga gipagawas sa PNP chief nga kung dunay indiscriminate firing nga mahitabo sa usa ka dapit, kini sulbaron dayon sa police station chief sa maong dapit sulod sa 24-oras o posible kini nga mahulipan sa trabaho.
Samtang kung polis ang malambigit sa pagpabuto sa armas, kini pasakaan dayon og tukmang kaso. (BANAT NEWS)
- Latest