Gihidlaw si Joshua

CEBU, Philippines — Gimingaw na si Joshua Garcia kang Julia Barretto isip katrabaho.

Hinungdan nga tsika niya, girekomenda niya si Julia isip leading lady sa usa ka proyekto nga gitakda niyang himuon.

“Sabi ko sa mga bossing namin, kasi parang okay, secret lang natin ito, may project na hinahain sa akin and they can’t find a partner for me. And then, unang pumasok sa isip ko na bagay dun sa karakter, si Julia. Pero yung usapan, hindi ko alam kung anong nangyayari, pero sana, payagan ng management si Julia."

Reunion na this!

Naghinamhinam ang fans sa AshLoyd sa posibilidad nga giluto na karon ang reunion project sa ilang mga idolo nga sila si Sarah Geronimo ug John Lloyd  Cruz.

 Kini human nag-upload ang Pop Star Princess og hulagway nila ni Loydie nga kuha didto sa buhatan sa Viva Films.

Katapusan silang nagkatrabaho sa pelikulang "Finally Found Someone" niadtong 2017.

Una silang nagkapares sa blockbuster movie, "A Very Special Love."

"True love exists"

Eleven years na ang relasyon sa Kathniel sa showbiz man o sa tinuod nga kinabuhi.

Post ni Kathryn Bernardo alang sa iyang hinigugma nga si Daniel Padilla nagkanayon: "We did it, love! True love exists. Someone like you still do exist."

Ang Kathniel adunay lahi-lahi nga movie projects, ug aduna sab silay reunion movie nga ubos sa direksyon ni Cathy Garcia-Molina.

Naibtan og tunok

Dili na buot si Barbie Imperial nga tubayan pa ang isyu tali nila ni Debbie Garcia nga niresulta sa pagpasaka og tulo ka mga reklamo sa nauwahi batok sa nahauna. Apan ang mga reklamong slight physical injury, grave oral defamation, ug grave slander by deed giingong gibasura na sa piskaliya gumikan sa kakuwang og ebidensya. “Of course, magaan siya for me kasi knowing na hindi ko yun ginawa sa isang tao, tapos lumabas yung balita, parang siyempre hindi na ako proud na ganun yung nangyari. But I’m very happy and sobrang gaan sa pakiramdam na na-dismiss na yung kaso.” Nagkanayon si Barbie sa exclusive interview sa PEP. Giingong selos ang hinungdan niining tanan gumikan kay niadtong pagkahitabo niini, nagkanindot na matud pa ang tinagdanay nila ni Debbie ug Diego Loyzaga nga ex ni Barbie.

May pasabog…

Wala pa gyud diay mahusay ang panagbingkil sa sulod sa Eat Bulaga, diin sibaw pa ang tsika nga mobalhin na kini sa TV5 pinaagi sa pagpangulo sa TVJ, o nila ni Tito, Vic, ug Joey, an nahisgutang longest-running noontime show. Nahilom lamang sa makadiyot ang isyu human niingon si Vic nga nabayran na siya sa iyang talent fee alang sa 2022. Apan nagpadayon pa gihapon ang mga negosasyon, matud pa.

Acting showdown

Duha ka mga kanhi "Amor Powers" gyud ang maghiusa og pwersa sa teleserye nga "Unbreak My Heart", ang collaboration sa ABS-CBN, GMA7 ug Viu. Ang Amor Powers mao ang sikat nga karakter sa classic series sa ABS-CBN nga "Pangako Sa'yo" nga unang gibituonan nila ni Jericho Rosales ug Kristine Hermosa, ug ang remake gibidahan nila ni Daniel Padilla ug Kathryn Bernardo. Ang mga Amor Powers, giisip nga mga banggiitan gyud mo arte, ug sila mao si Eula Valdez ug Jodi Sta. Maria. Ug sa Unbreak My Heart, daghan sila og confrontation scenes sanglit magkarelasyon si Jodi ug Joshua Garcia, nga anak ni Eula sa maong serye, busa magtigi gyud ang mga karakter sa duruha.

Iyaha pud na

Walay nakitang sayop ang award-winning international actress nga si Dolly de Leon sa pamahayag ni Liza Soberano kabahin sa loveteam culture sa Philippine showbiz. Suma pa ni de Leon ngadto kang Julius Babao sa Youtube channel niini, katungod ni Liza nga ipadayag ang unsa may kamatuoran alang niya. Apan siya mismo, dili pabor nga wala nay loveteam sa Philippine showbiz. "Love teams, I think, are still okay, but it depends on the actor. Kung hindi mo type mag-love team, don’t attach yourself to a love team. But there’s still value to it, kasi may mga taong makaka-relate sa mga istorya ng young love, kasi a large part of our population is composed of young people,” tipik sa iyang pamahayag.