Walay ebidensya

Gibasura sa piskaliya ang mga kasong slight physical injury, grave oral defamation, ug grave slander by deed na gipasaka sa sexy star nga si Debbie Garcia batok kang Barbie Imperial. Suma sa giluwatan nga resolusyon, walay ebidensya nga momatuod sa gipasaka nga mga reklamo. Base matud pa sa footage, giuwang dayon ang duruha, walay nakita nga nagtinubagay pa sila, ug wala sab mamatud-I gyud nga gibira ni Barbie ang buhok ni Debbie ug gidapatan sab kini.

Normal  ra man gud

"Nangingitim na kilikili mo idol," komento sa usa ka netizen ngadto kang Kris Bernal. Kalmado ra kining gitubag ni Kris nga normal ra nga muitom ang ilok basta mabdos."Yes! Just like other pregnant women. I'm no exception. Just one of the many changes in my body during pregnancy. There's more," ni Kris pa.

Bastos uy!

Mabwesit gyud si Mariel Rodriguez kun magpatuyang lamang og komento ang uban kabahin sa timbang o gidak-on sa lawas sa usa ka tawo. Niya pa sa usa ka IG story, dili matud pa maayo nga modiretso lang og ingon nga tambok ang usa ka tawo. “I don't know how or when people will get na it's just not appropriate to say ‘Ay, tumaba ka’ ‘Ayaw mo pa bang magpapayat’?”