King Charles III gustong bumisita sa Pinas

MANILA, Philippines — Nagpahayag umano ng interes si King Charles III na magtungo dito sa Pilipinas.

“He hopes to visit the Philippine soon,” ayon sa twitter post ni Philippine Ambassador to the United Kingdom Teddy Locsin Jr. matapos niyang isumite ang kanyang credentials bilang Ambassador Extraordinary and Plenipotentiary of the Republic of the Philippines sa bagong British monarch.

Si Locsin ang ­unang Head of Mission at ­unang Philippine Ambassador para irepresenta ang kanyang credentials matapos na koronahan si King Charles III.

Hindi naman nagbigay pa ng ibang detalye si Locsin kaugnay sa pagnanais ni King Charles na magtungo dito sa Pilipinas.

Si King Charles III at Pangulong Marcos ay naunang nagkita kamakailan sa London nang dumalo siya sa koronasyon ng British monarch.

Nauna na rin sinabi ng Pangulo ng sandali nilang pag-uusap ni King Charless III sa London ay tinanong siya nito tungkol sa kanyang kaibigan na si dating unang ginang Imelda Marcos at ginunita ang alaala ng kanilang pagkakaibigan.