Mail voting sa senior citizens, PWDs, maysakit isinusulong sa Kamara
MANILA, Philippines — Itinutulak ni presidential son at House Senior Deputy Majority Leader Ferdinand Alexander “Sandro” Marcos ang panukalang mail voting para sa mga senior citizens Person With Disabilities (PWDs) at mga Locally Stranded Individuals (LSIs) sa panahon ng public health emergency at state of calamity sa bansa.
Nakasaad sa House Bill (HB) 8037 ang pagtatatag ng postal o mail voting para sa nasabing sektor.
Sinabi ni Sandro na sa kasagsagan ng COVID 19 sa Estados Unidos, ay marami ditong estado ang nagpatupad ng postal o mail voting upang maiwasan ang pagkalat ng virus kung magsisiksikan ang mga ito sa mga polling areas.
Bukod dito’y higit anyang mataas ang voter’s turnout sa mail voting.
Gayundin ay mababawasan ang mga itatalagang Board of Election Inspectors (BEIs) at iba pang staff ng Comelec sa panahon ng halalan.
Sinabi ni Sandro, kapag naisabatas ang HB 8037 ay makakatipid ng pondo ang gobyerno.
Habang ang mga bobotong nabigyan ng prebilihiyo, bukod sa hindi na mapapagod ay makakatipid rin ng gastusin lalo na kung magmumula pa ang mga ito sa malalayong lugar. Mahihirapan din anyang makapandaya sa mail voting.
- Latest
