Marcos tinanggap ang imbitasyon na bumisita sa France
MANILA, Philippines — Tinanggap ni Pangulong Ferdinand Marcos Jr. ang imbitasyon ni France President Emmanuel Macron para sa isang state visit.
Inaasahang bibisita sa France si Marcos Jr. bago matapos ang Hunyo 2023, ayon kay French Ambassador to the Philippines Michele Boccoz nitong Biyernes.
Kasalukuyang ginagawa ng Paris at Manila ang mga magiging kaganapan at mga posibleng kasunduan sa creative industries, film co-production, at information and communications technology (ICT), at iba pa.
Ayon pa sa envoy, inihahanda na ang mga konsultasyon para sa gagawing pagbisita at tutulak ang isang delegasyon sa Paris sa Marso 8 upang platsahin ang mga programa sa gagawing pagbisita ng Pangulo.
Sinabi ni Boccoz na ang mga priority area ay food security, energy, maritime security, climate change, at biodiversity, kabilang ang people-to-people ties.
“I think the high level consultations will help us clarify, make sure what is ready, what we can really conclude,” ani Boccoz.
Ito ay sa gitna nang pahayag ni Marcos na lilimitahan niya ang pagbiyahe sa labas ng bansa ngayong 2023.
- Latest
