Acuzar, Balisacan, Bautista lusot na sa CA
MANILA, Philippines — Nakahabol sa pag-apruba sa huling araw ng sesyon ng Commission on Appointments (CA) ang ilang mga opisyal na itinalaga ni Pangulong Bongbong Marcos sa gabinete.
Kabilang sa mga inaprubahan ang ad interim appointment nina Department of Transportation (DOTr) Secretary Jaime Bautista, Department of Human Settlements and Urban Development (DHSUD) Secretary Jose Acuzar at NEDA Secretary Arsenio Balisacan.
Kasama rin sa nakumpirma ang anim na foreign service officers ng Department of Foreign Affairs at 54 senior officers at generals ng Armed Forces of the Philippines.
Dahil ito na ang huling araw ng sesyon ng CA para sa 2022, bypassed nang maituturing sina DTI Sec. Alfredo Pascual, DSWD Sec. Erwin Tulfo at Philippine Representative to World Trade Organization Manuel Teehankee.
Maaari pa rin namang sumalang ang mga ito sa CA basta’t ma-reappoint muli ni Marcos.
- Latest